Almaty qalasynda «Sincere System Group» (S-Group) qarjy piramidasynyng qyzmeti әshkerelendi, dep habarlaydy Qarjylyq monitoring agenttigi.

«QMA Almaty qalasy boyynsha departamenti qarjy piramidasyn qúryp, ony basqardy degen kýdikpen «Sincere System Group» (S-Group) kompaniyasynyng ókilderine qatysty sotqa deyingi tergeudi bastady.

Departament qyzmetkerleri belsendi azamattardyng qatysuymen kompaniya qyzmetin erte kezende toqtatyp, búl aldanghan investorlardyng sanyn azaytugha mýmkindik berdi.

S-Group kompaniyasynyng ókilderi salymshylargha aiyna 6-dan 8 payyzgha deyin nemese jylyna 70 payyzdan astam joghary kiristilikke uәde bergen.

Depozitting eng tómengi somasy 100 dollardy qúrady. Sonday-aq ózge salymshylardy tartqan jaghdayda somanyng 5 payyzy kóleminde kepildendirilgen kiris qarastyrylghan.

Búl rette kliyentterge aqshany qabyldau faktisin rastaytyn qújattar men kelisimder úsynylmaghan, salym somasy jeke kabiynette sifrlyq týrde kórsetilip, salynghan qarajatty alu mýmkindigi bolmaghan. Qazirgi uaqytta sotqa deyingi tergeu amaldary jýrgizilude. Kýdiktige qatysty «qamaugha alu» týrindegi búltartpau sharasy sanksiyalandy», - delingen habarlamada.

Qarjylyq monitoring agenttigi «S-Group» kompaniyasynyng qyzmetinen zardap shekkenderdi Almaty qalasy boyynsha Ekonomikalyq tergeu departamentine nemese QMA call-ortalyghyna habarlasudy súraydy.

Abai.kz