Búl jóninde #BelsendilerEkstremistEmes toby habarlady. Búghan deyin atalghan top polisiyanyng belsendini ústap әketkenin habarlaghan. Jaqtastarynyng aituynsha, polisiya ústau kezinde oghan kýsh qoldanghan. Polisiya onyng ústaluyna qatysty týsinikteme bermedi.

Aqparatqa qaraghanda, belsendige biyl 5 mamyrda Almatydaghy әdilet departamentining aldynda "rúqsat etilmegen mitingige qatysty" degen aiyp taghylghan. Jaqtastarynyng aituynsha, ol sol kýni әdilet departamentine "Algha, Qazaqstan" oppozisiyalyq partiyasyn qúru jónindegi bastama top mýshesi retinde qol qoyghanyn dәleldeu ýshin barghan. Onda eshqanday rúqsat etilmegen miting bolmaghan.

Ázirge sud.kz saytynda oghan shygharylghan sheshim jariyalanbady. Biraq onda әkimshilik isti sudiya Rauza Áliyeva qaraghany jazylghan.

Bir kýn búryn sot dәl osynday aiyppen atalghan bastama top mýshesi Biybigýl Imanghaliyevany 20 tәulikke qamaghan edi. "Algha, Qazaqstan" oppozisiyalyq partiyasyn qúru jónindegi bastama top Telegram-arnasynda belsendilerdi ústaudy 9 tamyzgha belgilengen "Algha Qazaqstan" partiyasynyng konferensiyamen jәne Europa deputattarynyng Qazaqstangha saparymen baylanystyrady.

"Atalghan baspasóz jiynynda qazaqstandyqtar ýshin ótkir mәseleler talqylanady" dep jazdy bastama top ókilderi.

Atalghan belsendiler mýsheleri bolyp sanalatyn tirkelmegen "Algha, Qazaqstan" oppozisiyalyq partiyasy ailar boyy әdilet ministrligine qújat tapsyryp, sayasy úiymdy tirkey almay keledi. Ministrlik bastamashyl toptyng qújattary partiyalardy tirkeu turaly zangha say emestigin aityp, tirkemegen. Al belsendiler ózderin "sayasy sebeppen tirkemey otyr" dep esepteydi. Olar búghan deyin biylikten partiyany tirkeudi talay talap etken.

Biylik elde sayasy qudalau baryn moyyndamaydy jәne partiyany "sayasy sebeppen tirkemey otyrghandaryn" joqqa shygharady.

Derekkózi: centralasian.org

Abai.kz