بۇل جونىندە #بەلسەندىلەرەكسترەميستەمەس توبى حابارلادى. بۇعان دەيىن اتالعان توپ پوليتسيانىڭ بەلسەندىنى ۇستاپ اكەتكەنىن حابارلاعان. جاقتاستارىنىڭ ايتۋىنشا، پوليتسيا ۇستاۋ كەزىندە وعان كۇش قولدانعان. پوليتسيا ونىڭ ۇستالۋىنا قاتىستى تۇسىنىكتەمە بەرمەدى.
اقپاراتقا قاراعاندا، بەلسەندىگە بيىل 5 مامىردا الماتىداعى ادىلەت دەپارتامەنتىنىڭ الدىندا "رۇقسات ەتىلمەگەن ميتينگىگە قاتىستى" دەگەن ايىپ تاعىلعان. جاقتاستارىنىڭ ايتۋىنشا، ول سول كۇنى ادىلەت دەپارتامەنتىنە "العا، قازاقستان" وپپوزيتسيالىق پارتياسىن قۇرۋ جونىندەگى باستاما توپ مۇشەسى رەتىندە قول قويعانىن دالەلدەۋ ءۇشىن بارعان. وندا ەشقانداي رۇقسات ەتىلمەگەن ميتينگ بولماعان.
ازىرگە sud.kz سايتىندا وعان شىعارىلعان شەشىم جاريالانبادى. بىراق وندا اكىمشىلىك ءىستى سۋديا راۋزا اليەۆا قاراعانى جازىلعان.
ءبىر كۇن بۇرىن سوت ءدال وسىنداي ايىپپەن اتالعان باستاما توپ مۇشەسى بيبىگۇل يمانعاليەۆانى 20 تاۋلىككە قاماعان ەدى. "العا، قازاقستان" وپپوزيتسيالىق پارتياسىن قۇرۋ جونىندەگى باستاما توپ تەلەگرام-ارناسىندا بەلسەندىلەردى ۇستاۋدى 9 تامىزعا بەلگىلەنگەن "العا قازاقستان" پارتياسىنىڭ كونفەرەنتسيامەن جانە ەۋروپا دەپۋتاتتارىنىڭ قازاقستانعا ساپارىمەن بايلانىستىرادى.
"اتالعان ءباسپاسوز جيىنىندا قازاقستاندىقتار ءۇشىن وتكىر ماسەلەلەر تالقىلانادى" دەپ جازدى باستاما توپ وكىلدەرى.
اتالعان بەلسەندىلەر مۇشەلەرى بولىپ سانالاتىن تىركەلمەگەن "العا، قازاقستان" وپپوزيتسيالىق پارتياسى ايلار بويى ادىلەت مينيسترلىگىنە قۇجات تاپسىرىپ، ساياسي ۇيىمدى تىركەي الماي كەلەدى. مينيسترلىك باستاماشىل توپتىڭ قۇجاتتارى پارتيالاردى تىركەۋ تۋرالى زاڭعا ساي ەمەستىگىن ايتىپ، تىركەمەگەن. ال بەلسەندىلەر وزدەرىن "ساياسي سەبەپپەن تىركەمەي وتىر" دەپ ەسەپتەيدى. ولار بۇعان دەيىن بيلىكتەن پارتيانى تىركەۋدى تالاي تالاپ ەتكەن.
بيلىك ەلدە ساياسي قۋدالاۋ بارىن مويىندامايدى جانە پارتيانى "ساياسي سەبەپپەن تىركەمەي وتىرعاندارىن" جوققا شىعارادى.
دەرەككوزى: centralasian.org
Abai.kz
