Narazy júmysshylardyng habarlauynsha, kenshilerding jartysy shahtanyng ishinde qalghan, qalghandary jogharyda ereuildep túr. Ereuil bolyp jatqanyn dәleldeytin viydeo da bar. Kenshiler 15 talap qoyghan.

Belsendilerding aituynsha, әueli Sәtbaev qalasyndaghy № 65 shahta júmysy toqtaghan. Múnda 13 tamyzda týngi auysymgha týsken júmysshylar ereuildep túr. Kenshilerding mәlimdeuinshe, qazir narazylyq aksiyasyna korporasiyanyng basqa da kәsiporyndaryndaghy júmysshylar qosylyp jatyr. Ereuildeushiler sany birneshe jýzge jetui mýmkin.

- Áriptester shahtadaghylardy qoldau maqsatynda azyq-týlik jetkizdi. Kenshilerding bәri jinalyp jatyr, shahtalarda júmys toqtap túr, - deydi Azattyqqa ereuildegi kenshilerding biri. Ol zine qysym jasalmas ýshin aty-jónin atamaudy ótindi.

Kenshiler enbek jaghdayyn jaqsartudy, bir jyldyq júmysty bir jarym jyl dep esepteudi, eski qúrylghylardy janartudy, shahtagha júmysshy qabyldau oryndaryn ashudy, júmys kýshi nege jetispeytinin týsindirudi, jaqynda qaytys bolghan júmysshy E. Erbosynovtyng úlyn júmysqa qabyldaudy, syiaqylardy ailyqqa qosyp esepteudi, demalysty sozudy talap etti.

Búghan qosa, júmysshylar erikti medisinalyq saqtandyru sharttaryn qayta qaraudy, Kenshi kýninde "100 myng tenge" syiaqy taghayyndap, Kenshi kýnin atap ótudi alyp tastaudy súraghan.

Týski saghat 13-te kenshiler ereuili jalghasyp jatty. Ol jerge biylik pen organdar ókilderi bara jatqany mәlim boldy.

31 shildede kompaniya ózining resmy paraghynda óndiris nәtiyjeleri men bolashaghy turaly habar taratty. "Qazaqmys" korporasiyasynyng bas diyrektory Olek Kopytovtyng aituynsha, 2023 jyldyng alghashqy jartysyndaghy óndiristik josparlar "sәtti oryndalyp jatyr". Korporasiyany aldaghy 20 jylda damytu jónindegi strategiyalyq jospar dayyndalyp jatqany habarlandy.

Abai.kz