"Qazaqmys" korporasiyasy bolyp jatqan jaghdaydy týsindirip, kenishte júmys toqtap qalghanyn aitty. Kompaniya mәlimetine qaraghanda, shahtyorlargha merdiger mekemelerding qyzmetkerleri de qosylghan. Alayda kompaniya ereuilge shyqqandardyng da, toqtap qalghan kәsiporyndardyng da naqty sanyn aitpady.
Júmysshylardyng sózinshe, ereuilge jýzdegen adam shyqqan. Olardyng aituynsha, enbek jaghdayynyng nasharlyghyna narazylyq kópten bar.
Shahtalardyng birinde bastalghan júmysshylar narazylyghy әleumettik jelide dýmpu tudyryp, Sәtbaev óndiristik alanyndaghy kenish kәsiporyndaryna jayylghan. Áleumettik jeli qoldanushylar shahtyorlar men metallurgterding zeynet jasyn, júmysshylardyng mýddesin eskere otyryp, újymdyq kelisimshartty qayta qarau mәselesin de kótergen.
Ereuilshilerding habaryna qaraghanda, olardyng bir toby shahtadan shyqpay, 15 talap qoyyp otyr.
Olardyng negizgi talaptarynyng ishinde: enbek jaghdayyn jaqsartu, qyzmetkerlerding bir jyldyq enbek ótilin bir jarym jylgha esepteu, eski tau-ken jabdyqtaryn kondisioneri bar janasymen auystyru, shahta júmysshylaryn qabyldap, júmysshy tapshylyghynyng sebebin týsindiru, tehnologiyalyq auysym razryadyn tenestiru, keybir mamandardy ken qazatyn toptargha qosu, enbekke jaramsyz bolghandargha tólenetin ótemaqyny jalaqynyng 29 payyzynan 50 payyzgha jetkizu, tayauda qaza bolghan júmysshy E.Erbosynovtyng úlyn júmysqa qabyldau, aqshalay ýstemeaqynyng bәrin jalaqygha qosu, tikeley qazba júmystarymen ainalysatyndardyng enbek demalysyn 48 kýnnen 54 kýnge jetkizu mәseleleri bar.
Ereuilshiler múnan ózge erikti medisinalyq saqtandyru shartyn qayta qaraudy, Shahtyorlar kýni 100 myng tenge syiaqy berudi, Shahtyor kýnindegi demalysty alyp tastaudy talap etip túr.
"Qazaqmys" Qazaqstandaghy ghana emes, әlemdegi eng iri mys óndirushi kompaniya sanalady. Kompaniya qúramyna geologiyalyq barlau mekemesi, 13 kenish, 4 bayytu kombinaty, eki mys qorytu zauyty, eki kómir razrezi jәne jylu-energetika kesheni kiredi. Negizgi óndiris Úlytau jәne Qaraghandy oblystaryna shoghyrlanghan. Kompaniya mәlimetine qaraghanda, "Qazaqmys" kәsiporyndarynda 38 mynnan astam adam júmys isteydi.
