Tótenshe jaghdaylar ministri Syrym Shәriphanov Qazaqstan shahtasyndaghy órtti sóndiru qiyngha týsip jatqanyn aitty. 

«Shahtagha qatysty aitsaq, ol jerde transporterlik lenta janghan. Osynyng saldarynan ot sol jerdegi kómirge týsken, sondyqtan ol úzaq uaqyt boyy janady. Órtti sóndiru qiyngha týsip jatyr. Ol jerde qútqarushylardyng tynys aluyna qiyn bolyp túr jәne kóru mýmkindigi shekteuli. Ol jerde temperatura da tym joghary. Shahtada órt sóndiru óte qiyn ekenin bilesizder. Sondyqtan tiyisti tehnologiyalardy eskere otyryp, júmysty oryndau qajet», - dedi S. Shәriphanov Ýkimette tilshiler súraghyna jauap bere otyryp.

Sonymen qatar ministr órt naqty qashan sóndiriletinin aita almady.

«Boljam aita almaymyz. Mening oiymsha, jaqyn arada órtti auyzdyqtaymyz», - dedi vedomstvo basshysy.

Eske salsaq, Qaraghandy oblysyndaghy «Qazaqstan» shahtasynda órt 17 tamyz kýni saghat 10:05-te tútandy.

Apat kezinde jer astynda 227 kenshi boldy. 222 adamdy jer betine jedel kóteru mýmkin boldy, segizi zardap shekti.

Shahtanyng astynda qalyp qoyghan besinshi kenshinin denesi tabyldy.

18 tamyzdaghy jaghday boyynsha medisina mekemelerinde órtten zardap shekken 11 kenshi em qabyldap jatty.

Enbek jәne halyqty әleumettik qorghau ministrligi Enbek jәne әleumettik qorghau komiytetining tóraghasy Tólegen Ospanqúlov mәlim etkendey, «Qazaqstan» shahtasyndaghy apat ýshin jauapty túlgha 7 jylgha deyin týrmege qamaluy mýmkin.

Abai.kz