Preziydent Toqaev Almaty oblysynda ótip jatqan «Batyl toytarys-2023» strategiyalyq komandalyq-shtabtyq әskery oqu-jattyghu jiynyna qatysty.

«Býginde әlemdik qorghanys jýiesinde auqymdy ózgerister bolyp jatyr. Qazirgi úrystardyng әdis-tәsilderi de basqa, әsirese, gibridtik soghys týrleri keng taraluda. Shabuyldar әskery ghana emes, aqparattyq, psihologiyalyq, sayasi, ekonomikalyq jәne basqa da sipat aluy mýmkin. Sondyqtan Qazaqstan armiyasy kez kelgen syn-qaterge dayyn boluy qajet. Búl – zamanauy әri kәsiby әskerge qoyylatyn basty talap. Bizding bir ghana Otanymyz bar. Ol – Qazaqstan. Elimizdi, jerimizdi, azamattarymyzdyng qauipsizdigin qamtamasyz etu, olardy qorghau – barshamyzgha ortaq qasiyetti paryz!», - dedi memleket basshysy.

Preziydent Bas shtabtyng aldynghy sheptegi basqaru punktin aralap shyqqan son, shúghyl kenes ótkizdi.

Ol armiyany joghary tehnologiyalyq qaru-jaraqpen, sapaly әskery tehnikamen jabdyqtaudyng manyzyn atady.

«Jaqynda jariyalaghan Joldauymda men jergilikti ónim ýlesi joghary óndiris siklin qúrudy tapsyrdym. Brondy tehnika, úshqyshsyz basqarylatyn úshu apparattary, zamanauy atys qarulary – múnyng bәrin biz ózimizde shyghara alamyz. Jalpy, qorghanys-ónerkәsip kesheni әskerimizding jauyngerlik qabiletine senimdi tirek boluy qajet», - dedi preziydent.

Preziydent Toqaev әskerdi bronotehnikamen jәne drondarmen qamtamasyz etudi tapsyrdy.

Qazaqstan Qorghanys ministrligi Resey Ukrainagha soghys ashqannan keyin dron operatorlaryn oqytudy kýsheytken.

Amerikalyq sayasattanushy Fukuyamanyng aituynsha, Ukrainanyng basyndaghy jaghday Qazaqstanda da ornauy әbden mýmkin.

Abai.kz