پرەزيدەنت توقاەۆ الماتى وبلىسىندا ءوتىپ جاتقان «باتىل تويتارىس-2023» ستراتەگيالىق كوماندالىق-شتابتىق اسكەري وقۋ-جاتتىعۋ جيىنىنا قاتىستى.

«بۇگىندە الەمدىك قورعانىس جۇيەسىندە اۋقىمدى وزگەرىستەر بولىپ جاتىر. قازىرگى ۇرىستاردىڭ ءادىس-تاسىلدەرى دە باسقا، اسىرەسە، گيبريدتىك سوعىس تۇرلەرى كەڭ تارالۋدا. شابۋىلدار اسكەري عانا ەمەس، اقپاراتتىق، پسيحولوگيالىق، ساياسي، ەكونوميكالىق جانە باسقا دا سيپات الۋى مۇمكىن. سوندىقتان قازاقستان ارمياسى كەز كەلگەن سىن-قاتەرگە دايىن بولۋى قاجەت. بۇل – زاماناۋي ءارى كاسىبي اسكەرگە قويىلاتىن باستى تالاپ. ءبىزدىڭ ءبىر عانا وتانىمىز بار. ول – قازاقستان. ەلىمىزدى، جەرىمىزدى، ازاماتتارىمىزدىڭ قاۋىپسىزدىگىن قامتاماسىز ەتۋ، ولاردى قورعاۋ – بارشامىزعا ورتاق قاسيەتتى پارىز!»، - دەدى مەملەكەت باسشىسى.

پرەزيدەنت باس شتابتىڭ الدىڭعى شەپتەگى باسقارۋ پۋنكتىن ارالاپ شىققان سوڭ، شۇعىل كەڭەس وتكىزدى.

ول ارميانى جوعارى تەحنولوگيالىق قارۋ-جاراقپەن، ساپالى اسكەري تەحنيكامەن جابدىقتاۋدىڭ ماڭىزىن اتادى.

«جاقىندا جاريالاعان جولداۋىمدا مەن جەرگىلىكتى ءونىم ۇلەسى جوعارى ءوندىرىس تسيكلىن قۇرۋدى تاپسىردىم. بروندى تەحنيكا، ۇشقىشسىز باسقارىلاتىن ۇشۋ اپپاراتتارى، زاماناۋي اتىس قارۋلارى – مۇنىڭ ءبارىن ءبىز وزىمىزدە شىعارا الامىز. جالپى، قورعانىس-ونەركاسىپ كەشەنى اسكەرىمىزدىڭ جاۋىنگەرلىك قابىلەتىنە سەنىمدى تىرەك بولۋى قاجەت»، - دەدى پرەزيدەنت.

پرەزيدەنت توقاەۆ اسكەردى برونوتەحنيكامەن جانە دروندارمەن قامتاماسىز ەتۋدى تاپسىردى.

قازاقستان قورعانىس مينيسترلىگى رەسەي ۋكرايناعا سوعىس اشقاننان كەيىن درون وپەراتورلارىن وقىتۋدى كۇشەيتكەن.

امەريكالىق ساياساتتانۋشى فۋكۋيامانىڭ ايتۋىنشا، ۋكراينانىڭ باسىنداعى جاعداي قازاقستاندا دا ورناۋى ابدەن مۇمكىن.

Abai.kz