Qazaqstandyqtar әleumettik jelide soghysty qoldaytyn reseylik әzilkeshter «Kamyzyaki» tobynyng elge kelip, óner kórsetuine narazylyq bildirip jatyr. Reseylikter 5 qazanda Almatygha, 7 qazanda Astanagha keludi josparlaghan.

Alash.online portalynda: «Azamat Músaghaliyev әzilkesh Núrlan Saburovpen birge qazaqstandyqtardyng narazylyghyn tudyryp, TNT federaldy kanalynda qazaq tilin mazaq etip qana qoymay, Denis Dorohovpen jәne ózining «Kamyzyaki» komandasymen birge jaqynda okkupasiyalanghan Doneskte óner kórsetti. Qazaqstan Respublikasynyng preziydenti Qasym-Jomart Kemelúly Toqaev Sankt-Peterburg Halyqaralyq ekonomikalyq forumynda Resey Federasiyasynyng preziydenti Putinmen kezdesude Qazaqstan «Lugansk jәne Donesk halyq respublikalaryn»  moyyndamaytynyn mәlimdedi. Biz, qazaqstandyqtar, egemen el Ukrainagha agressiyany qoldaytyn adamdardy óz elimizde kórgimiz kelmeydi. Biz beybit elmiz jәne beybit halyqpyz», – degen petisiya jaryq kórdi.

Tayauda Músaghaliyev Resey okkupasiyalaghan Donesk oblysyna baryp, konsertke qatysty. Al byltyr Kremlishil Oliga Buzovamen qosylyp, mobilizasiya kezinde elden qashqan reseylikterdi kelemejdegen.

Ayta ketsek, búghan deyin Ukrainagha basqynshylyqty qoldaytyn Grigoriy Leps te, Irina Dubsova, Nikita Djigurda sekildi birneshe әrtisting Qazaqstandaghy konsertteri halyq qarsylyghynan song ótpey qalghan. Olar Qazaqstannyng «rusofobiya jaylaghan jer» ekenin de aitqan.

Sayasattanushy Dosym Sәtpaev osynday iritki salushy «óner iyelerin» qylmystyq jauapkershilikke tartu kerek dep sanaydy.

Abai.kz