Preziydent Qasym-Jomart Toqaev Ortalyq Aziya memleketteri basshylarynyng V-shi konsulitativtik kezdesuine jәne halyqaralyq Araldy qútqaru qorynyng qúryltayshy memleketter basshylary kenesining otyrysyna qatysu ýshin 14-15 qyrkýiekte Tәjikstangha júmys saparymen bolady.

Onyng aldynda Tәjikstan preziydenti Emomaly Rahmon júmys saparymen 25 tamyzda Astangha kelip ketken edi.

Osy sapar barsynda eki elding preziydentteri joghary dengeyde ekijaqty kezdesuler ótkizip, Tәjikstannyng Qazaqstandaghy mәdeniyet kýnderi ayasynda ótetin sharalargha qatysqan bolatyn.

Jalpy OA memleketterining aralas-qúralastyghy songhy jyldary Reseyge jaltaqtamay, artyp keledi. Búryn tek Qytay men Resey ghana bauyryna basqan aimaqqa Ukrainadaghy soghystan keyin AQSh ta qyzyghushylyghyn arttyra bastaghany jasyryn emes. Tayau arada Preziydent Qasym-Jomart Toqaev AShQ-qa is saparmen baratyndyghyn memleket basshysynyng baspasóz ortalyghy mәlimdedi.

Bayden әkimshiligi OA elderining Reseyden irgesin aulaq saluy ýshin bar kýshin saluda. Eng basty maqsat osy elderding biyligining boyyna orys pen qytay qauipin siniru arqyly Qytay men Reseyge qarsy әrbir әreketke dem berip otyru.

Búdan bólek Reseyding ózine salynghan sanksiyalardy OA elderi arqyly ainalyp ótuining jolyn kesude Qazaqstannyng alatyn orny bólek. Óitkeni ol OA-da Reseymen shektesetin memleket. AQSh qansha jerden kýsh salsa da, Astana Reseydi ashyq jamandaugha attap baspaydy. Jәne BÚÚ antiyreseylik rezolusiyalaryn jaqtap dauys bermeydi. Mine, osynday problemany bolashaqta AQSh qalay sheshetindigi preziydent Toqaevtyng osy elge barghan saparynda birshama belgili bolady.

AQSh-tyng basty maqsaty – OA-ny Qytay men Resey yqpalynan aiyru. Onyng búl maqsaty jýzege asu aspauyn tek uaqyt qana kórsetedi.

Abai.kz