سەنبى, 24 اقپان 2024
بيلىك 2096 17 پىكىر 14 قىركۇيەك, 2023 ساعات 15:04

وا-نى قىتاي مەن رەسەيدەن ايىرۋعا اقش-تىڭ كۇشى جەتە مە؟

پرەزيدەنت قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ V-ءشى كونسۋلتاتيۆتىك كەزدەسۋىنە جانە حالىقارالىق ارالدى قۇتقارۋ قورىنىڭ قۇرىلتايشى مەملەكەتتەر باسشىلارى كەڭەسىنىڭ وتىرىسىنا قاتىسۋ ءۇشىن 14-15 قىركۇيەكتە تاجىكستانعا جۇمىس ساپارىمەن بولادى.

ونىڭ الدىندا تاجىكستان پرەزيدەنتى ەمومالي راحمون جۇمىس ساپارىمەن 25 تامىزدا استانعا كەلىپ كەتكەن ەدى.

وسى ساپار بارسىندا ەكى ەلدىڭ پرەزيدەنتتەرى جوعارى دەڭگەيدە ەكىجاقتى كەزدەسۋلەر وتكىزىپ، تاجىكستاننىڭ قازاقستانداعى مادەنيەت كۇندەرى اياسىندا وتەتىن شارالارعا قاتىسقان بولاتىن.

جالپى وا مەملەكەتتەرىنىڭ ارالاس-قۇرالاستىعى سوڭعى جىلدارى رەسەيگە جالتاقتاماي، ارتىپ كەلەدى. بۇرىن تەك قىتاي مەن رەسەي عانا باۋىرىنا باسقان ايماققا ۋكرايناداعى سوعىستان كەيىن اقش تا قىزىعۋشىلىعىن ارتتىرا باستاعانى جاسىرىن ەمەس. تاياۋ ارادا پرەزيدەنت قاسىم-جومارت توقاەۆ اشق-قا ءىس ساپارمەن باراتىندىعىن مەملەكەت باسشىسىنىڭ ءباسپاسوز ورتالىعى مالىمدەدى.

بايدەن اكىمشىلىگى وا ەلدەرىنىڭ رەسەيدەن ىرگەسىن اۋلاق سالۋى ءۇشىن بار كۇشىن سالۋدا. ەڭ باستى ماقسات وسى ەلدەردىڭ بيلىگىنىڭ بويىنا ورىس پەن قىتاي قاۋىپىن ءسىڭىرۋ ارقىلى قىتاي مەن رەسەيگە قارسى ءاربىر ارەكەتكە دەم بەرىپ وتىرۋ.

بۇدان بولەك رەسەيدىڭ وزىنە سالىنعان سانكتسيالاردى وا ەلدەرى ارقىلى اينالىپ ءوتۋىنىڭ جولىن كەسۋدە قازاقستاننىڭ الاتىن ورنى بولەك. ويتكەنى ول وا-دا رەسەيمەن شەكتەسەتىن مەملەكەت. اقش قانشا جەردەن كۇش سالسا دا، استانا رەسەيدى اشىق جامانداۋعا اتتاپ باسپايدى. جانە بۇۇ انتيرەسەيلىك رەزوليۋتسيالارىن جاقتاپ داۋىس بەرمەيدى. مىنە، وسىنداي پروبلەمانى بولاشاقتا اقش قالاي شەشەتىندىگى پرەزيدەنت توقاەۆتىڭ وسى ەلگە بارعان ساپارىندا ءبىرشاما بەلگىلى بولادى.

اقش-تىڭ باستى ماقساتى – وا-نى قىتاي مەن رەسەي ىقپالىنان ايىرۋ. ونىڭ بۇل ماقساتى جۇزەگە اسۋ اسپاۋىن تەك ۋاقىت قانا كورسەتەدى.

Abai.kz

17 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1557
ءالىپبي

لاتىن جايى

بيجومارت قاپالبەك 1626