Býgin qoghamda «Dikiy Arman» laqap atymen tanylghan qylmys әlemining serkesi Arman Júmageldiyev pen kәsipker Qayrat Qúdaybergenning soty bastaldy.

Aty atalghan azamattardyng ekeui de 2022 jylghy qantar oqighasynan keyin ústalghan.

A.Júmageldiyevke «Qantarda» adamdardy úrlap, Últtyq qauipsizdik komiyteti qyzmetkerining núsqauymen әreket etip, adamdardy qylmystyq әreketterge iytermeledi degen aiyp taghylyp otyr.

Al Q.Qúdaybergen jappay tәrtipsizdikti úiymdastyryp, oghan qatysty jәne «Dikiy Armanmen» sóz baylasuy mýmkin degen kýdikke ilindi.

Arman Júmageldiyev te, Qayrat Qúdaybergen de ózderine taghylghan barlyq aiypty joqqa shyghardy. Sonday-aq kýdiktilerding taraby sottyng jabyq ótuin talap etti.

Esterinizge sala keteyik, «Dikiy Arman» 2022 jyldyng qantar aiynyng jetisi kýni qylmystyq toptyng 6 ókilimen birge ústalghan. Ústau barysynda kýdiktilerden markalary men kalibri әrtýrli 4 jartylay avtomatty tapansha jәne oq-dәriler, suyq qaru men brondalghan avtomobili tәrkilengen.

Al kәsipker, sol kezdegi Almaty qalasy mәslihatynyng deputaty Qayrat Qúdaybergen 21 sәuirde uaqytsha ústau izolyatoryna qamaugha alynghan. Aldyn ala tergeuding nәtiyjesinde, onyng «Dikiy Armanmen» birge «Qazaqstan» qonaq ýiinde adamdar jinaudy úiymdastyryp, Júmageldiyevting ainalasyna biriguge, ony qoldaugha jәne biylikting birynghay talaptaryn úsynugha shaqyrghany, sonday-aq adamdardy 10 adamnan «úyashyqtar» boyynsha bólip jәne olardyng toptarynyng erekshelikterining belgisi retinde qoldaryna aq tanghyshtardy tanugha núsqau bergeni anyqtalghan bolatyn.

Abai.kz