Bolat ÁBDILMANOV, Qazaqstannyng enbek sinirgen qayratkeri, akter:

Bolat ÁBDILMANOV, Qazaqstannyng enbek sinirgen qayratkeri, akter:

– Bolat agha, býtin júrt búryn ózinizdi saghynsa, teatrgha barushy edi, endi qazir kinoekranda bolmasa ózinizdi siyrek kezdestiretin boldyq. Jalpy, qay­dasyz? Dәl qazir qanday júmys ýs­tindesiz? Kinogha týsip jýrsiz be, qanday filimge? Bir sózben aitqanda, shy­gharmashylyq janalyghynyzben bólise otyrsanyz...

– Tap osy kýnderi eki kinogha týsip jýr­min: biri – Ermek Túrsynovtyng «Kenje» filiminde ózine Krab degen laqap at qoyghan bir oligarh rólinde. Basty keyipker bolmasa da, obrazy kýrdeli. Qazaqstannyng bay­lyghyn qaltasyna basyp, shekara asyp, iz suytqan bay-baghlanmyn, bylaysha aitqanda. Otanyn satqan degen qaratanbasy bolmasa, óler kýni joq, kerisinshe, hangha bergisiz jaghday jasap alyp, Tay elinde tayranday basyp jýrgeni. Týsiru júmysy Taylandta boldy. Al, eng qyzyghy, men tay­randap jýrgende osy jaqta san soqtyryp kettim degen mende kegi barlar, killer jaldap, izime týsip, aqyry mening keyipkerim jat elde óledi. Bәlkim, onyng jazasy da sol, yaghny tughan jerding topyraghy búiyrmauy shyghar. Al endi ekinshi filimim – qazaqta әli serial joq tústa eng alghashqy bolyp «Perekrestok», «Sarancha» syndy tele­hikayalardy týsirgen Abay Qarpyqov atty talantty rejisserding tuyndysy. Ol qazir shetelde túrady, qazaqtyng qolynan da halyqaralyq dәrejede úyalmay kino týsiru keletinin «Ohota na izubrya» syndy reseylik serial arqyly dәleldedi. Orystyng Bezrukovtan bastap Baluev, Nagiyev syndy kil myqty­laryn qamtyghan ol tuyndynyng Resey kinoindustriyasyna qanday tabys әkel­genin men aitpay-aq, oqyrman ózi jaq­sy biledi. Sol kisi osynda kelip «Úzaq jol» degen filim týsirip jatyr, maghan sondaghy basty rólderding biri Zәkirdi úsyndy. Zәkir – orta jastan asqan, qarttyqqa jaqyndap qalghan, ómirding ashysyn da, túshysyn da tatqan, biraq sodan oy týie bilgen kelbetti әri parasatty elaghasy. Tuyndy tamyz aiynda dayyn bolady.

– Qazaq ýshin Abaydan úly joq dese bolady. Bir qyzyghy, siz teatrdan ekrangha auystynyz, Abay da kinogha auysqan synayly. Áriyne, búryn da «Qazaqtyng bas aqyny» jayly filim bolmady degen sóz emes, keyingi kezde Abay taqyrybyna auyz salushylar kóbeygendey. Osyghan quanuymyz kerek pe, yaghny sapalyq túrghydan, Abay obrazy qanshalyqty ashyldy. Jәne bir tanghalarlyghy, Abaydyng ekrandaghy jana beynesin nege siz somdamadynyz? Úsynys boldy ma, jalpy?

– Abaydyng ózi aitpaqshy, «ólenge әrkimning de bar talasy», sol talas qazir aqynnyng ózine de payda bolghany ótirik emes, yaghny «Abaygha әrkimning de bar talasy» desek, esh qatelespeymiz. Búl qaghidany myqtap ústamas búryn, aqyn ólenining ekinshi jolyn da úmytyp ketpeu kerek, yaghny «sonda da solardyng bar tandamasy» ekenin. Shyny kerek, qazir qaltasyna aqsha bitkenning bәri kino týsirgish bolyp ketti, solar «ne týsiremiz, kim jayly?» dep otyryp-otyryp, aqyry «aytpaqshy, Abay bar ghoy» dep, shamasy jetken de, jetpegen de hakim Abaydy taqyryp qylyp, kino týsiruge ainalghanday. Eger solar, shynynda, Abay­dy basqa qyrynan tanytarlyq, óz dengeyine layyq dýnie týsirse jaqsy, kerisinshe, bizde Abaydy qalqalap, sonyng arqasynda payda tabudy kózdey me dep qalam keyde. Kónil tolmastyq bildire bastasan, «әrkimning óz Abayy» bar dep shygha keledi. Olay dep Abaydy onashalap alu ýshin de óre kerek emes pe? Áytpese kim kóringenning Abaydyng aruaghymen oinauyna jol beruge bolmaydy. Sebebi Abay – barsha Alashtyng erekshe qúrmetpen qarap, asa ýlken dayyndyqpen ghana kelu kerek eng biyik qúndylyghy. Oghan basshylyqtan erekshe qadaghalaytyn bas-kóz kerek.

– Aytpaqshy, bas-kóz degennen shyghady, siz kezinde Asqar Toqpanov syndy alyptardyng aqyrghy kýnderinde bolsa da, kózin kórip, ol kisining birauyz sózinen yghyp otyratyn kezdi kórgen bolarsyz?

– Áriyne, o-oy, ol kezde kýlli ónerde jýrgen mýiizi qaraghayday myqtylardyng qay-qaysysy bolsyn Toqpanovtyng betine qarsy kelmek týgil, «Asekeng keledi» degen birauyz sózden tizeleri tizelerine tiymey dirildep, qorqyp otyrushy edi ghoy. Biraq solay eken dep, eshkim Asekendi jek kórgen joq, qayta aqty aq, qarany qara dep ajyratyp beretin qara qyldy qaq jarghan әdilettilik iyesining aldynda bas iyip, әrkim óz isine asa jauapkershilikpen qaraushy edi ghoy. Asqar Toqpanov repe­tisiyalargha kelip, úly túlghalardan bastap, tipti kishirigim epizodqa deyin oinaytyn akterler oiyny men rejisserler qoyy­lymyn jiti qadaghalap, únamasa, akter kelis­tire almay jatsa, qolyna tayaghyn alyp «sadagha ket, mynaday úlylardan» dep tap sol jerden quyp shyghatyny bar-dy. Sol kezde Asekenning synynan óte almay, sah­nadan quylyp ketken akterler jýr ara­myzda. Qazir ózderi Asekenning sol kezdegi jasyna jetip qaldy, biraq kezinde jegen sol tayaqtan kishireyip qalghan eshbiri joq. Kerisinshe býgingidey abyroyly túlghagha ainalsa, kezinde jegen sol tayaq pen qamshylaudyng arqasy dep moyyndaydy. Sebebi Asekeng bireudi jek kórgennen olay etken joq, óner ýshin, qazaq teatry ýshin jany shyryldady ghoy. Áytpese Asekende abyroy da, bedel de, bilim de, kәsipqoylyq ta bir basy­na jetip-artylatyn edi. Sony­syna toqmeyilsip, ýide jengemizding qasynda ystyq shayyn iship otyrsa da әbden jarasady әri eshkimge de jeksúryn bolmas edi ghoy. Qazir sonday «Toqpanovtar» joq. Ónerde sózi jýredi, tisi batady degen ýlken aghalary­myzdyng ózi sen tiymesen, men tiyme dep, tek óz qúlaghynyng tynyshtyghyn artyq kóredi. Olar ýshin ónerding erteninen góri ózining aty, bir kýni artyq. Bylaysha aitqanda, eshkim de óz erkimen «jek­súryn­nyn» rólin oinaghysy kelmeydi, eshkimning jany ashymaydy. Al ónerdegi de, ómirdegi de eng ýlken qasiret – nem­qúray­dylyq. Qazir adamdardyng bәri sol nem­qúraydylyqpen ómir sýredi. Mysaly, qazir sәt sayyn telearnalardan jylt etip shyghyp jatqan jarnamalardy alayyq. Solardyng barly­ghyn derlik tehnikanyng tilin biletin, biraq qazaq tilining sóileu mәnerin bilmeytin shala qazaqtar jasap jatyr. Tanertennen keshke deyin jýrip jatqan sol saqau jarnamagha sergektik tanytyp, «qazaqtyng tilin qorlap jatqan kim?» dep qarsy shyqqan bir adam kórdiniz be? Jalpy, adam kóre-kóre tipti jaman­dyqqa da eti ólip ketedi, yaghny eng jiyirkenishti degen bet-qol men tisti jumau­dyng ózine biraz uaqyt jýre berse adam ýi­renip ketedi, eger ózi «búlay etuge bol­maydy» dep jiyirken­bese. Sol siyaqty qazaq tilining sonday qarabayyr qalpyna qazaq ózi ýirenip ketken kezde janadan ósip kele jatqan jas buyn «e, myna sózding ózi osylay aitylady eken ghoy» dep qabyldaytyn bolady.

– Qarabayyrlyq pen qarapayym­dylyqtyng arasyn ajyrata almaytyn halge jetken siyaqtymyz, solay ghoy?

– IIi qanbaghan qamyrdan irtik-irtik nan shyqpay ma, bizde de qazir dәl solay, yaghny shiykizatty pisiruge erinip, shiyki kýiinde alyp shyghyp jatqan – bireu. Jәne sony kәdim­gidey «as» kórip jep jatqan – ekinshi bireu. Ásirese әzil-qaljynnyng ainalasynda jýrgen jigitterding kóbining eki sózining biri, bayqasanyz, «әi, ói» dep keledi. Ómirdegi bar dórekilik pen qarabayyrlyq sahnagha shyghyp ketkeni bylay túrsyn, qazir saltanat qúryp aldy. Bolmasa dublyaj salasyn alayyq, qazir mynaday «júldyzdar» payda boldy. Ózderi kinogha týsedi, biraq óz dausyn ózi dublyajday almaydy. Sodan bir kinoda ony basqa bir akter dybystasa, kelesisinde basqa bireu, solaysha bir akterde qazir birneshe týrli dauys bar. Onyng sebebi, birinshiden, ol akterding qazaqsha bilmegen­diginen boluy mýmkin nemese ol akterlik sheberlikten ótpegendikten... Bylaysha aitqanda, ózinde dym joq, biraq bireuding baskiyimin, bireuding kózildirigin, bireuding kostumin kiyip toygha barghan student siyaqty jasandy dýnie bolmay qaytedi sodan son?!. Biz qashanda ózimizdi orystyng akterlerimen salystyramyz. Aytalyq, sonda Smot­ku­novs­kiy degen akter iri planda kórinbey túryp, alystan sóilep kele jatqannan-aq kórermen ony dausynan jazbay tanityn. Sonday-aq «17 mgnoveniy vesny» degen filimde Efim Kapeliyan degen akter sondaghy býkil uaqytty aityp túrady. Sonda ózi týspese de, Efimning ýninsiz әlgi kinony elestetu mýmkin emes. Bir sózben aitqanda, Resey kinoindustriyasy әli sol kәsiby dengeyin joghaltqan joq, «bir akter – bir ýn», yaghny ózi oinady, ózi sói­leydi, sondyq­tan birtútas dýnie shyghady. Al bizding kinolarymyzda bir akter bir filimde zor, juan dauyspen sóilese, kelesisinde shin­kildep jýrgeni. Shyny kerek, býginde kórermen eshbir akterding shynayy bolmysyn bilmeydi. Negizinen, rejisser akter tandarda onyng tek keskin-kelbetin ghana emes, onyng ýnin, jan dýniyesin týgel qabyldauy kerek qoy? Bólshek-bólshek dýnie jasaytúghyn bolsaq, onda óner akademiyasyn ústap, nege tórt jyl akter oqytyp әure bop jýrmiz? Biz ýn degen qúdiretting qúnyn qoldan joyyp jatyrmyz. Áytpese ol – Alladan berilgen nyghmet qoy. Aytynyzshy, dausynyz bolmasa әn aita alasyz ba? Eger әnning bir jerinde oryn­daushynyng dausynan bir aqau ketse, qúlaqqa týrpidey tiyedi ghoy, sol siyaqty sóilegen sózding de óz ýilesimi, ýndestigi, óz melodiyasy bolady. Meyli әn sal, meyli poeziya oqy bolmasa jay sóile, ýniniz tyndaushynyng qúlaghynan kirip, boyyn aluy kerek. Olay bolmady ma, týr-kelbeti kelisti bolghanymen, dausy jaqsy bolmasa ne dú­rys sóiley almasa, óz tilin bilmese, demek, ol – kembaghal talant. Tipti talant degen sózdi qor qylmau kerek shyghar onday adamgha. Sebebi talant degen – boyyna bar qasiyetti sho­ghyrlandyrghan úly qúndylyq. Qazir talantsyzdardy jinap alyp, shyn talantty tasada qaldyryp jatqan kembaghal rejiys­serlerding isi der edim men.

– Olay bolsa, óziniz kezinde Ázir­bayjan Mәmbetovtey rejiys­serlerdi kórdiniz, akterlik mektebinen de óttiniz, endi nege rejisserlikke tәuekel etip kórmeysiz?

– Kimning týbi kim bolyp, qayda bararyn bir Alla biledi, biraq men óz basym ónerdegi mamandyqtyng eng tóresi akterlik dep qabyldaymyn. Obrazdy týrde aitsaq, akter – kәdimgi at ýstinde jaugha shabatyn batyr, al rejisser – aqyl aityp otyratyn bi. Kóp batyrlar jas kýninde jaugha shabady da, qartayyp, kýsh qayta bastaghan kezinde by bolady nemese biyding kenesshisine ainalady. Sol siyaqty men ózimdi әlәzir at ýstinen týspegen «batyr» sezinemin, sondyqtan ortan qol tuyndy jasaghansha, tolyqqandy obraz jasaghandy tiyimdi kóremin. Mysaly, biz kiyeli sahnada Ydyrys Noghaybaev, Ánuar Moldabekovterdi asqar tau sanap, ózimizge ýlgi etip qoyamyz. Al sol Án-aghang nemese Ydyrys aghalarymyz esh uaqytta da rejisserlikke talpynghan emes. Esesine sahnada aighaylatyp, shyrqyratyp túryp obraz jasaghan. Áriyne, belgili bir ósu dengeyine jetip rejisserlikke den qoyatyndar bar, ol da kerek. Biraq býginde soghan qabileti jetkendiginen emes, qolgha portfeli ústap, akterlerge aqyryp otyr­ghysy kelgennen rejisserlikke úmtylatyn bir auru dendep aldy ghoy. Mening sonday­lardyng qatarynan kórinip qalghym kelmeydi. Jalpy, qazaq degen ózi – akter halyq. Tebirengish, sezimtal, aqynjandylyq jaghy­nan qazaqtyng aldyna týser jan joq.

– Ómirde solay shyghar, degenmen sony ekranda ne sahnada oinata alyp jýrmiz be?

– Shyny kerek, qazaqtyng naghyz minezi, ókinishke oray, ekrannyng qaltarysynda, sahnanyng syrtynda qalyp barady. Áyt­pese, әtten, qazaqtyng bir atym nasy­baygha bola ókpeley salyp, qonaq kelse astyndaghy jalghyz aty, qoradaghy songhy qoyyn soyyp tastaytyndyghy – bәri-bәri akterge kerek minezder. Osynday qazaqy minez boyynda túnyp túrghan akterler әli de bar, tipti qazaqtyng eki jigitining biri – akter, biraq sony taba biletin, kóre biletin rejisserler az. Akterding jan dýniyesi – Jerding ýstinde ghana emes, Kók pen Jerding ortasynda úshyp jýrgen qúiyn siyaqty týsiniksiz qúbylys. Eger sonday jalyn bolmasa, sonday bir ishki kýsh-quat syrtqa teuip túrmasa, akter aldynda otyrghan kórermenge esh әser ete almaydy. Sahnada akter qalghyp jýrgen son, әriyne, kórermen úiyqtap qalmay qaytedi? Jýrekten shyghyp jýrekke jetu degen jay sóz emes, ol – shynayy bar nәrse.

– Akterding ólgen jeri qay jer der ediniz?

– Eger ózining búrynghy jasaghan obraz­darymen maqtanghan akter kórseniz, ol – «ólgen» akter. Sebebi shyn akter qazir ne istep jatyr, ony júrttyng ózi kórip, ózi maqtauy kerek. Ekinshiden, bizde qazir mereytoy degen bәle payda boldy. Qazir әrtister birinen-biri qalmas ýshin jarysyp mereytoy jasaydy. 50 jyl bolsa meyli, tipti 30 jyldyq mereytoy jasap jatqandar da bar. Maghan osy nәrse ersi kórinedi. Nege? Óner adamy mereytoyynda benefis jasap, shygharmashylyq jolyndaghy ótken-ketkenin týgendep, elge esep berudi ghana kózdese, eshtene demes te edim... Alayda mereytoy jasaymyn dep әkimge baryp bas iyip, demeushi bol dep bir kәsipkerge alaqan jayghandardy kórgende maghan sol әrtis mereytoydy jebeu qylyp, óz qaltasynyng qamyn sheship jýrgendey kórinip ketedi. Ózim de akter emespin be, sondyqtan osy nәrse qatty namysyma tiyedi. Sebebi «aqyny әkimin emes, әkimi aqynyn izdegen el baqytty» degendey, akter kәsipkerdi, әkimdi emes, kerisinshe, olar «bizding osy bir túl­ghamyz bәlen jasqa kelipti ghoy» dep әrtisin izdeui tiyis qoy. Sonda ghana ol – baqytty akter. Al endi býgin sahnada handy somdaghan akter erteng bir kәsipkerding aldyna baryp alaqan jayyp túrsa, mine, sol jalghyz ózining ghana emes, ónerding ólgen jeri dep bilem men. Zaman qanday bolsa da, tipti kýlli ghalamdy aqsha biylep ketse daghy, óner adamy arzandamauy tiyis.

– «Kinony kezdeysoq adamdar basyp ketti» degen pikirler estip qalamyz, osy kastingining kesirinen emes pe? Yaghny naghyz sahna sardarlaryn ysyryp qoyyp, kósheden basty keyipker izdeu kýlli әrtis qauymyn óltirumen barabar emes pe osy?

– Kinoda tipaj degen nәrse bar. My­saly, «Taqiyaly perishtede» Álimghazy aghamyz dәl tabylmaghanda, keyipker obrazy ashylyp, jalpy, kinonyng basty maqsaty oryndalmas edi. Sebebi ol rólge alpamsa deneli әri baladay sengish beyne kerek edi. Rejisser eger dәl sonday beyneni akterler arasynan kezdestire almasa, auyl-auyldy aralap, izdeuge kóshedi. Álginde aitqanday, qazaq degen – ózi akter halyq, tek naghyz keregin el ishinen taba bilui kerek, al ol – rejisserding júmysy. Sonday-aq tabylghan tipajdyng qúr týrine senbey, bala sekildi oinata bilu, onyng boyynda basqalar kórmeytin, kinogha kerek minezderdi shyghara bilu – rejisserding sheberligine kelip tire­letin is. Kezinde marqúm Shәken Aymanov, Abdolla Qarsaqbaev syndy aghalarymyz últtyq kino ýshin baryn salyp, shyn mәninde tipajdardy tapty. Al qazir, lajy bolsa, kinogha óz tanystaryn, óz komandasyn ghana týsiru degen bir jaman әdet payda boldy rejisserler arasynda. Búnyng sebebi, birinshiden, aqsha ýnemdeu, ekinshiden, óz tanysyn týsiru, onymen arada jeke óz esebi boluy ghajap emes. Osynday jaghymsyz, las nәrseler beleng alyp ketkeni jasyryn emes. Al búl óz kezeginde ózining býkil ómirin akterlikke arnap, tanertennen keshke deyin teatrdyng tórt qabyrghasyna ózin óz erkimen qamap, sonyng aiyna beretin az ghana aily­ghyn qanaghat tútyp jýrgen talay akterding jolyn jauyp, qiyanat bolyp tiyip te jatqany ótirik emes. Qalay dersiz? Yaghny sheberligi jetip túrsa da, onday akterlerdi kastingiden ótkizbey tastaydy nemese jay ghana epiy­zodtyq ról beredi de, basty róldi óz tanys­taryna beredi. Mine, qiyanat dep túrghanym – sol.

– Agha, shynynyzdy aitynyzshy, ózinizding akterlikti tandaghanynyzgha ókinetin kezderiniz bola ma? Adam bolghan song sharshau, týnilu, jiyirkenu sekildi qúbylys tәn ghoy, yaghny sonday bir sәtter, qúldyrau, ishtey kýizelu basynyzdan ótken shyghar?

– Áriyne, pende bolghan song ýnemi jadyrap jýru mýmkin emes qoy, degenmen men kerisinshe qazaq bolyp tughanyma, basqa emes, sol qazaq degen halyqtyng akteri bolyp tughanyma quanamyn. Sebebi qazaq – ejelden boyynda óneri bar adamdardy alaqanyna salyp ayalap, seriligin kóterip, tipti ailap, aptalap qonaq qylghan halyq. Sol minez qazaqta qazir de bar, meninshe, qazaqtyng sol minezin eshbir zaman ózgerte almaytyn siyaqty. Keyde basqa elderding әrtisteri aityp jatady, «shirkin-ay, dәl qazaqtay óner iyesin qasterleytin halyq joq shyghar, nege biz qazaq akteri bop tumadyq eken?» dep jatady. Sondayda keudemizdi maqtanysh kernegeni bolmasa, bylayghy uaqytta ózimiz baghasyn bile bermeydi ekenbiz. Mysaly, biz auylgha qarapayym­dylyqty saghynyp baramyz, rasynda, auyldaghy aghayyn tura tabanyna deyin jyghylyp, astyna qabattap mamyq tósep, aq jaulyqty әjelerding ózi mandayynnan sýiip, qoyyn soyyp qúraq úshyp shygha keledi. Ol – bilgenge ónerge degen qúrmet. Sonyng ózinde qoshemetting buyna mas bolamyz ba, elding istegen jaqsylyghyn kór­mey, sәl ghana kemshiligine ishtey tyjyrynyp, «aryq qoy eken, nege semiz qoyyn soy­may­dy?» dep shyghatynymyz bar. Qarap túrsaq, bizding aldymyzda qúraq úshugha mindetti emes. Tipti sәbiylerin әkelip, auzyna týkirtip jatqan analardy kórgende, endi, rasynda, qazaqtay aqjarqyn, qazaqtay qoshemettey alatyn, han kóteretin halyqtyng joghyna kóz jetkizesiz. Ózinning keyde mamandyghyna týnilgen sәttering bolsa, әlgindey jaghday solardy emdep jiberedi de, yaghny tekke qazaqtyng ónerine az da bolsa enbegindi sinirgenine kózing jetedi. «On alty jyl ýisiz-kýisiz Almatynyng týkpir-týk­pirinde kimning bosaghasyna telmirmedim, qanday qiyn­dyqtardy kórmedim, biraq sonda bosqa jýrmegen ekenmin ghoy» dep ózine kәdimgidey bir tәube dep, kóniling kóterilip qalady әlgindey elding qúrmetine bólengen shaqta. Osy bir ghana minezi ýshin-aq últynnyng tabanyna tóseluge dayyn bolyp ketesin.

– Qazir qoghamda qazaqty dәl solay sýyge oryn bar ma?

– Negizi, basymyzgha qanday kýn tumasyn, biz óz últymyzdy sýyimiz kerek. Áytse de mening erekshe qorqatynym – orystardyng bizge әkep tanatyn traybolizm degen bәlesi. Qazir qazaqta osy nәrse, shynynda, beleng alyp bara jatqan siyaqty. Biz osynyng tamy­ryna balta shappay, yaghny ru-rugha bólinuge toqtau salyp, «әr qazaq – mening jalghyzym» degen dengeyge jetpey, biz el bolmaymyz, kim kóringenning qanjyghasynda ketemiz nemese ózimizden myqtynyng qoljaulyghyna ainalyp, jútylyp ketuimiz ghajap emes. Qazirgidey әrkim óz ruyn madaqtap, qazaq­tyng aty emes, óz ruynyng atyn әnge qosyp, tegine ainaldyryp nemese kóligining artqy terezesine japsyrghanynan biz alysqa barmaymyz.

Alashqa aitar datym...

Keyingi kezderi meni tanghaldyratyn jayttar kóbeyip ketti. Tayauda «Qazaqstan barysy» bolyp ótti ghoy, qazaqtyng naghyz alpamsaday jigitteri sol sayysta jer kindigin qozghaghanday birimen-biri alysyp jatqan kezde ortagha Qayrat Núrtastyng shygha kelmesi bar ma?.. Ol qyzyp túrghan shoqqa múzday su qúiyp jibergendey bolmasa ýstine – smoking, ayaghyna sporttyq ayaqkiyim kiyip alghan siyaqty, bir-birine mýldem ýilespeytin dýnie ghoy. Ekinshi bir tanghaldyryp jýrgeni, tәuelsiz elimizding kýntizbesinde 31 mamyr – Qughyn-sýrgin qúrbandaryn eske alu kýni, qaraly kýn. Kerek deseniz, ol kýni bizding tuymyz da tómen týsirilip, býtin Alash júrty aza tútuymyz kerek. Jyldyng 365 kýninde oryn alyp jatqan oiyn-sauyqty tym bolmasa bir kýnge toqtatatyn jónimiz bar. Al bizde basqa qúryp qalghanday, «Shәken júldyzdary» festivalin dәl sol kýnge aparyp tirep, ónerdin, ónsheng ónerding iri bastylary toy toylap, sharap iship ketti. Osyghan qalay tanghalmaysyz?!. Ýshinshiden, Bayqonyrda zymyran qúlap, qansha tonna u Alashtyng tóbesinen qúiyldy da ketti. Sonda «Qazgharyshtyn» basshylary, el senip jýrgen azamattar betteri shimirikpesten «odan halyqqa eshqanday ziyan kelmeydi» dep mәlimdeme jasady. Osyghan qalay tanghalmassyn!

Avtor: Mәriyam ÁBSATTAR

"Alash ainasy" gazeti