Áskery qyzmetting jana týri – rezervtegi qyzmet elimizde 2025 jyly payda boluy mýmkin. Tiyisti zang jobasy býgin Mәjilisting jalpy otyrysynda birinshi oqylymda maqúldandy.

Qorghanys ministrligi әzirlegen zang jobasynda әskery qyzmetting jana týri – rezervtegi qyzmetti engizu úsynyldy.

Búl túrghylyqty jeri boyynsha kelisim-shart negizindegi әskery qyzmetting erikti týri.

– Rezervtegi qyzmet arqyly Qazaqstan óz armiyasyn óz erkimen qyzmet etuge niyet bildirgen azamattar qatarynan jasaqtaudyng qosymsha tәsiline ie bolady. Biz qosymsha әskery rezervshilerdi dayyn әskery qúralymdargha jaldaymyz, dabyl boyynsha olar dayarlyqtan ótken әskery bólimge kelip, dereu jauyngerlik mindetterge kirise alady, – dedi osy zang jobasy boyynsha júmys tobynyng jetekshisi Ermúrat Bapiy.

Joba Qazaqstan Respublikasynyng kәmeletke tolghan azamattaryna qatysty bolady.  Qyzmetke qabyldau erikti týrde jýzege asyrylady.

Irikteu kezenderinen ótken azamattarmen Qorghanys ministrligi 3 jylgha kelisim-shart jasasady. Sonyng negizinde olar ay sayyn bólimderde qysqa merzimdi oqudan jәne vedomstvonyng búiryghy boyynsha 30 kýndik jiyndardan ótedi.

Rezervshilerge densaulyq jaghdayy boyynsha talaptar qoyylady jәne jas shekteuleri belgilenedi: ofiyserler ýshin – 60 jasqa deyin, serjanttar men sarbazdar ýshin – 18-den 50 jasqa deyin.

Býgingi tanda zang jobasyna sәikes, olar merzimdi qyzmetten nemese qysqa merzimdi әskery dayyndyq kurstarynan ótken, joghary oqu oryndary janyndaghy әskery kafedralarda oqyghan adamdar bolady dep qarastyryluda.

Rezervshiler әskery bólimderde dayyndyqty jýzege asyrady, olargha qaru-jaraq pen jauyngerlik tehnika bekitiledi. Olar tek óz oblysynyng aumaghynda qyzmet etedi.

Abai.kz