«Qazaqstandyq atom elektr stansiyalary» JShS bas diyrektory Timur Jantikin elimizde AES salugha qansha qarajat júmsaluy mýmkin ekenin aitty.

«AES jobasyna qújattar shamamen 5 jyl әzirlenedi. Óitkeni, birinshi kezende tehnikalyq-ekonomikalyq negizdemeni әzirleuge 1,5-2 jyl kerek. Sodan keyin Ýkimet AES salu turaly ong sheshim qabyldasa, jobalau-smetalyq qújattama әzirlenedi. Oghan da uaqyt kerek. AES shashamen 5 jylda salynady, yaghny atom elektr stansiyasyn 2035 jyly iske qosamyz dep oilaymyz», - dedi T. Jantikin elordada «Beybit atom» taqyrybynda ótken respublikalyq seminarda.

Onyng sózine qaraghanda, elimizding elektr energetikasyn damytu baghdarlamasy men qajet atom blogy sanyna qatysty tújyrymdama әzirleu kerek. Osyny negizge alyp, Qazaqstannyng elektr energetikasyn damytu baghdarlamasy dayyndalady.

«Birinshi stansiya 10-15 mlrd dollar boluy mýmkin. Sebebi, ol – alghashqy stansiya. Qazir qarjylandyru kózi pysyqtalyp jatyr. Búl – negizinen halyqaralyq qarjy instituttary. Joba әzirge kommersiyalyq tәrtipte qaralyp jatyr, yaghny memleket oghan aralaspaydy. Sondyqtan onda tiyisti sharttar eskerilgen», - dedi Timur Jantikiyn.

Biyl jazda Energetika ministrligi eki energiya blogynan túratyn stansiya salugha shamamen 12 mlrd AQSh dollary kerek ekenin mәlimdegen edi.

foto: ashyq derekkózden

Abai.kz