Avtobuspen birge jer astyna týsip ketken qútqarushylardy izdeuge Aygýl esimdi kóripkelding Mayqayyngha kelgeni turaly aqpar taraghan edi. Tótenshe jaghday departamenti balgerdi tabylmay jatqan azamattardyng tuystary shaqyrtqanyn habarlady. 

Pavlodar oblystyq tótenshe jaghdaylar departamentining basshylyghy Mayqayyndaghy oiyqqa kóripkelding keluine bizding esh qatysymyz joq dep mәlimdedi.

— TJ jónindegi departamentining búl kóripkelding keluine eshqanday qatysy joq, qayghyly oqigha ornyna izdelip jatqan qútqarushylardyng tuystary shaqyrtqan. Olardyng búl әreketine eshqanday vedomstvo kedergi keltire almaydy. Kóripkel әiel tuystarymen birge, oiyqtan qauipsiz araqashyqtyqta túrdy. Qútqarushylar jýrgizip jatqan izdestiru-qútqaru júmystaryna jaqyndaghan joq. Tótenshe jaghday mamandary men ózge de mamandar núsqaulyqqa sәikes júmys istep jatyr. Júmysta topyraqtyng qozghaluyn skanerleytin tehnika, geologiyalyq skaner jәne metall izdegish qoldanyluda. Sonday-aq oiyqtyng týbinde kinologiyalyq top izdestiru sharalaryn jýrgizip jatyr. Júmys baghytymyz arnayy aspaptardyng kórsetkishteri negizinde týzetilip otyrady, -dep habarlady ónirlik tótenshe jaghdaylar departamentining baspasóz qyzmetinen.

Eske sala ketsek, Mayqayynaltyn aumaghynda qútqarushylar qauipti jaghdayda júmys istep jatyr.

Oyyq týbine týsirilgen eki shaghyn ekskavator jer qazu júmystaryn atqaruda.

Búghan deyin oiyq astyndaghy topyraqtan avtobustyng shanaghy men qútqarushylardyng sómkesi jәne ózge de zattar tabyldy.

Foto: Pavlodar oblystyq TJD

Abai.kz