Qazaqstan premier-ministrinin
orynbasary T. Dýisenova hanymgha!

Jaqynda – 22 shildede «QazAqparat» halyqaralyq aqparat agenttigi «Basqa elderden kelgen etnikalyq qazaqtargha 55 «Ata joly» kartasy berildi» degen aqparat taratty.

Atalghan aqparatta: «Jergilikti atqarushy organdargha «Ata joly» kartasyn alugha barlyghy 75 ótinim týsti. 2023 jyly 44 karta: biznes-immigranttargha 20 karta jәne súranysqa ie mamandargha 24 karta berildi. Biyl 11 karta berildi: biznesmenderge 5 jәne súranysqa ie mamandargha 6 karta», - dep jazylypty.

Sonday-aq: «Karta iyegerleri (jәne olardyng otbasy mýsheleri) mynaday qúqyqtargha iye», - dep mynaday qúqyqtardy tizbelep kórsetipti:

– medisinalyq kómekting kepildik berilgen kólemi shenberinde medisinalyq mekemelerde әleumettik tólemder alu jәne qyzmet kórsetu;

– QR Enbek kodeksine jәne «Halyqtyng kóshi-qony turaly» QR Zanyna sәikes Qazaqstan aumaghynda júmysqa ornalasu;

– QR Kәsipkerlik kodeksine jәne ózge de qúqyqtyq aktilerine sәikes Qazaqstan aumaghynda kәsipkerlik qyzmetti jýzege asyru;

– «Bilim turaly» QR zanyna sәikes memlekettik bilim beru úiymdarynda tegin orta bilim alu, memlekettik orta arnauly jәne/nemese joghary oqu oryndarynda konkurstyq negizde tegin orta arnauly jәne/nemese joghary bilim alu, jeke oqu oryndarynda aqyly bilim alu;

– «Advokattyq qyzmet jәne zang kómegi turaly» QR zanyna sәikes memleket kepildik bergen zang kómegin alu;

– azamattyq salasyndaghy halyqaralyq sharttargha jәne QR zannamalyq qúqyqtyq aktilerine sәikes jenildetilgen tәrtippen Qazaqstan Respublikasynyng azamattyghyn alu.

Bir qyzyghy, «Ata joly» kartasyn alghan etnikalyq qazaqtargha berilgen búl QÚQYQTARDY siz Qazaqstannyng eshbir zanynan tappaysyz.

Joq!

Tipti, «Halyqtyng kóshi-qony turaly» zanynda da joq!

«Halyqtyng kóshi-qony turaly» zanynyng 25-babynda «Qandas» mәrtebesin jәne «Ata joly» kartasynyng qoldanyluyn toqtatu», 25-1-babynda «Ata joly» kartasyn beruden bas tartu ýshin negizderi» ghana qarastyrylghan.

«Ata joly» kartasyn alghan etnikalyq qazaqtardyng QÚQYQTARY men MINDETTERI mýlde qarastyrylmaghan!

Soghan qaramastan, Qazaqstan premier-ministrining orynbasary - Qazaqstan Respublikasy Premier-Ministrining orynbasary - Enbek jәne halyqty әleumettik qorghau ministri Tamara Dýisenova hanym qatysty bes-alty ministrlikpen kelise otyryp, «Shetelde túratyn etnikalyq qazaqtar ýshin «Ata joly» kartasyn úsynu qaghidalaryn» 2023 jylghy 30 mausymda №280 búiryghymen tastay qylyp bekitip qoyghan.

Búl Búiryqta da onday «QÚZYRETTER» kórsetilmegen.

Sonda, «Ata joly» kartasyn alghan  etnikalyq qazaqtargha eshbir zanda joq búnday QÚZYRETTERDI Tamara Dýisenova hanym qaltasynan shygharyp bere me?!  Búl – bir!

Ekinshiden, sonsha duyldatqandaghy «Ata joly» kartasyn alghan  etnikalyq qazaqtargha «berilgen» «QÚZYRETTIN» syiqy osy bolsa, jetistirgen eken!

Qúday-au, sonda, tek, merzimi on jylgha deyin beriletini bolmasa, «Ata joly» kartasyn alghandardyng «Qandas» mәrtebesin alghan aghayynnan asyp bara jatqan «QÚZYRETIN» búl jerde kórip túrghan joqpyz!

Qayta, «Qandas» mәrtebesin alghan aghayynnyng QÚZYRETI búdan әldeqayda kóp jәne tiyimdi eken...

Taghy bir qyzyghy, Enbek jәne halyqty әleumettik qorghau ministrligining saytynan «Qújatty alu ýshin «Qútty meken» mobilidi qosymshasy arqyly ótinish beru nemese Qazaqstan elshiligine jýginu qajet...» degen núsqaulyqty kózim shalyp qaldy.

Al, biraq, «Halyqtyng kóshi-qony turaly» zanynyng 10-babynda Qazaqstan Respublikasy Syrtqy ister ministrligining jәne Qazaqstan Respublikasynyng sheteldegi mekemelerine «Ata joly» kartasyna baylanysty qújat qabyldau turaly onday qúzyreti berilmepti.

Búl ne sonda, mazaq pa, әlde bizding atqarushy biylikting dengeyi osy ma?!

Joq, «Shettegi qazaqtargha bola beredi!» degen bir astamdyq pa búl?!

Álde, ministrlerding bәri zandy qayyryp qoyyp, tek Tamara Dýisenovanyng aitqanymen ghana jýretin bolghany ma?!!

Aytpaqshy, ótkende osy «Ata joly» kartasy turaly Darhan Qydyrәli degen senator mәsele kótergensigen son, biz de senatorgha hat (JT-2024-03929571) jazyp, «...senator retinde mening osy jazbamdy Viyse-premier Tamara Dýisenovanyng ózine jiberip, atalghan KARTA boyynsha súru salyp, óz jauabyn alyp berinizshi!» dep, Tamara Dýisenovanyng PREZIYDENTTI ALDAP KELGEN osy joq «KARTASY» turaly súrau salghamyz.

Darhan Qydyrәli ol hatymyzdy «Qazaqstan Respublikasy Ýkimetining Apparatyna» jiberdi, sonynda Qazaqstan Respublikasy Enbek jәne halyqty әleumettik qorghau ministrligining Kóshi-qon komiyteti» qarap, Birinshi viyse-ministr A. Sarbasovtyng qoly qoyylghan «Bas dese, qúlaq...» degen jauap aldyq.

Sonymen, býgin Tamara Dýisenovagha óz atymnan osy hatty jazyp otyrmyn.

Sadaghang keteyin, Tamara Bosymbekqyzy!

Osy «Ata joly» kartasy degen «JANALYQ» Siz Qazaqstan Respublikasy Premier-Ministrining orynbasary әri Enbek jәne halyqty әleumettik qorghau ministri bolyp túrghan kezde «AYNALYMGhA» endi.

Endeshe, «Ata joly» kartasyn alghan etnikalyq qazaqtargha beriledi degen «QazAqparat» halyqaralyq aqparat agenttigi jariyalaghan sol «QÚZYRETTER» qaydan shyqty?

Ol «QÚZYRETTER» qay zannyng qay babymen qashan bekitildi?!

Zanmen bekitilmegen múnday «QÚZYRETTI» etnikalyq qazaqtar qalay paydalanady?!!

Qúday tileuindi bersin, Tamara Bosymbekqyzy!

Sizden ótinish, osy súraqtargha Óz qolynyzdy qoyyp, maghan jazbasha jauap berinizshi!

Eger, osy súraqtarymnyng әrbirine óz qolynyz qoyylghan naqty jazbasha jauap bermey, búl hatymdy ózge ministrlikterge jónelte salatyn bolsanyz, Sizdi sotqa beretinimdi eskertemin!!!

Sonday-aq, osy jәne «Halyqtyng kóshi-qony turaly» zanynyng atyshuly 20-baptyng 5) tarmaghy turaly sóilesu ýshin, meni jeke qabyldauynyzdy súraymyn.

Auyt Múqiybek

Abai.kz