117 jyl, 169 kýn. Ghasyrdan da úzaq. Tiri tarih edi. Ispaniyada Mariya Braniyas Morera atty qariya býgin ómirden ótti. Oilanyp qarasanyz, ómiri tútas tarih eken ghoy.

1907 jyly ómirge keldi. Ol sәtte qazaq ziyalylary Memlekettik Dumagha saylaugha qatysyp jatqan. 1912 jyly, Mariya 5 jasqa kelip, jýgirip, oinap jýrgen sәtte «Titaniyk» sugha batyp jatty. Mariya 6 jasqa tolghanynda, «Qazaq» gazetining boyauy keppey, alghashqy basylymy shyqty. Mariya 7 jasqa kelgende Birinshi dýniyejýzilik soghys bastaldy. 10 jasqa tolghanyn toylap jatqanda, bizde Alash Orda qúrylyp jatty, Resey imperiyasy qúlap týsti. Al 11 jasqa tolghan shaghynda Reseyde patsha әuletin atyp jatty, óz otanynda «ispan túmauy» cap ete qaldy. Milliondar kóz júmdy. Sol tozaqtan aman ótti.

1931 jyly túrmysqa shyqty. Ol sәtte qazaq bir týiir dәn, bir ýzim nan tappay qoldan úiymdastyrylghan ashtyqta qyrylyp jatqan edi.

Ol imperiyalardyng qúlauyn kórdi. Osman imperiyasy, Resey imperiyasy, Austro-Vengriyany tarih qalay jerlegenine kuә boldy. KSRO qúrylghan, Gitler taqqa kelgen, Mussoliny tizgin alghan, Franko soghysqan dәuirde jastyq shaghy ótti. Óz otanyndaghy azamat soghysynan aman shyqty (1936-1939), keyin «uf» dey berip, Ekinshi dýniyejýzilik soghysqa qayta kirip ketti. Atom bombasy Japoniyanyng basyna jarq etken shaqta, 38-degi kelinshek bolypty. Qyrghiy-qabaq soghystyng barlyq oqighasyna, san soghysyna kuә bolypty. Adamzattyng ghylymy jetistikteri tәi-tәy basqan sәtten bastap qaryshtap damyghanyna deyingi aralyqty aman-esen ótu qanday sezim eken?...Adamzattyng gharyshqa úshuyna tandanghan Mariya, apta sayyn bir sputnik úshyryp, ay sayyn gharyshker attandyratyn zaman bolaryn sol sәtte sezdi me eken? Qyzyq...Aytpaqshy KSRO-nyng qúrylghanyn kórgen Morera, onyng ólgenin de kórdi ghoy.

2020 jyly koronavirus júqtyrghan eken. «Ispan túmauynan» aman shyqqan Mariya әjey ýshin, koronavirus búiym bolyp pa, әlbette aman shyqqan. Adamzattyng san soghysyn, san apatyn, san ashtyghyn, san jetistigin, san pandemiyasyn kórgen Mariya әjey, aqyry jalghannan ketipti.

Ashat Qasenghalidyng jazbasy

Abai.kz