Býgin Senattyng jalpy otyrysynda deputat Aygýl Qapbarova sheteldik blokbasterlerdi qazaq tiline dublyajdaugha qatysty súraq qoydy.

«Budjetten jyl sayyn sheteldik 15 filimdi qazaq tiline dublyajdaugha memlekettik qoldau arqyly shamamen 443 mln tenge bólinedi. Keler 2025-2027 jyldary dublyajgha osy somada qarajat eskerilgen. Alayda 2023-2024 jyldary atalghan qarajat iygerilmey, budjetke qaytaryldy. Yaghny eki jylda sheteldik filimder dublyajdanbaghan. Búl rette kórermenning әlemdik dengeydegi tuyndylardy ana tilinde kóru qúqyghy eskerilmey otyr. Atap aitqanda, qarajattyng budjetke qaytaryluy sebebi nede?», - dep súrady senator.

Óz kezeginde viyse-ministr Qanat Ysqaqov byltyr sheteldik 15 filimdi audarugha qarajat bólingenin, biraq audarma júmystary atqarylmaghanyn aitty.

«Basty sebep nede? Eng aldymen, gollivudtyq nemese animasiyalyq filimderdi qazaq tiline audaru ýshin bizde birneshe qatang shart bar. Áriyne, osy sharttar bizding salt-dәstýrimizge, zannamamyzgha sәikes keledi. Biraq eki kýrdeli talap bar, yaghny iri distribiutorlyq kompaniyalar olardy jýzege asyra almay otyr. Birinshiden, әrbir gollivudtyq nemese animasiyalyq tuyndyny qazaqshagha audarardyng aldynda onlayn saualnama boluy kerek. Oghan birneshe ay kerek. Ekinshiden, tek qana joghary reyting alugha qauqarly filimder audaryluy qajet degen shart bar. Osy eki talapty oryndau ýshin 3-4 ay uaqyt ótedi. Búl uaqyt tym úzaq bolghandyqtan, oghan eshkim qyzyghushylyq tanytpaydy. Sondyqtan ministrlik Parlament Mәjilisine tiyisti zang jobasyn engizip, búl eki normany jenildetu júmysyn atqaryp jatyr», - dedi Q. Ysqaqov.

Onyng aituynsha, qazir filimderdi tolyqtay qazaq tiline audaru is-sharalary atqarylyp jatyr. Búl túrghyda distribiutorlyq kompaniyalar óz qarajatyna osy júmysqa kirisip otyr. Óitkeni qazaq tilindegi filimderge súranys artyp keledi.

«Jalpy, búl mәseleni baqylaugha alamyz. Tiyisti zannamalyq ózgeristi engizip, bólingen qarajatty tiyanaqty әri oryndy iygeruge erekshe mәn beremiz», - dedi viyse-ministr.

Abai.kz