Jasyl energiya - Qazaqstanda songhy jyldary jii talqylanyp jatqan ózekti taqyryp. Tәuelsizdikting alghashqy kezenderinde elding ekonomikalyq ahualy jasyl energetikany qolgha aluna mýmkindik bermedi. Degenmen Qazaqstannyng qazirgi jaghdayynda búl mәsele óte ózekti bolyp túr.

Birneshe kýn búryn Preziydent Qasym-Jomart Toqaev «Ana tili» gazetine bergen súhbatynda osy mәselege toqtalyp, Qazaqstannyng jasyl ekonomikagha kóshu qajettiligi aityldy. Preziydent janartylatyn energiya kózderin paydalanudyng jәne ekologiyalyq qauipsizdikke qol jetkizuding manyzyn jetkizdi. Búl bastamalar qorshaghan ortany qorghaugha, klimattyng ózgeruine beyimdeluge jәne bolashaq úrpaqqa taza tabighy resurstardy qaldyrugha mýmkindik beredi. Osyghan oray sarapshylar men qogham belsendileri jasyl energetikany útymdy paydalanu turaly oilaryn bildirip jatyr.

Suret: Spiykerding jeke múraghatynan alyndy.

QR Preziydenti janyndaghy QSZY Jahandyq ekonomika jәne túraqty damu bólimining bas sarapshysy Bauyrjan Ómirzaqovtyng pikirinshe, energetikalyq qauipsizdikti jәne energiyagha erkin qol jetkizudi qamtamasyz etu, yaghny jasyl energiya kózderin engizu  Qazaqstannyng memlekettik sayasatynyng basym baghyttarynyng biri bolyp qala beredi.

«Tómen kómirtekti ekonomikagha jahandyq kóshu jaghdayynda taza energiya kózderin engizu - tek ekologiyalyq qajettilik qana emes, elding bәsekege qabilettiligin arttyrudyng strategiyalyq baghytyna da ainaldy.

Preziydentimiz Q. Toqaev aghymdaghy jyly energetika salasyn damytugha baghyttalghan auqymdy jobalar iske qosylatynyn aitty. Qazirgi tanda Qazaqstan Respublikasy «jasyl» energetikagha erekshe kónil bóledi: Masdar, Total Energies, Acwa Power, Unigreen Energy jәne CPIH sekildi iri energetikalyq kompaniyalarymen jalpy quaty 9 MVt bolatyn jel, kýn jәne su elektr stansiyalaryn salu turaly kelisimderge qol jetkizildi», - deydi sarapshy.

Mәlimetter boyynsha býginde elimizde jalpy kuaty 2,9 GVt bolatyn janartylatyn energiya kózderining 148 nysany júmys isteydi. Aldaghy on jyl ayasynda jalpy quaty 1,8 GVt iri su elektr stansiyalary men jalpy quaty 300 MVt shaghyn SES iske qosylady. Sonymen qatar, quattylyghy 2,2 GVt bolatyn biogaz elektr stansiyalary men 500 MVt kýn elektr stansiyalaryn salu mejelengen. Negizi 2035 jylgha qaray janartylatyn energiya kózderining ýlesin elektr quatyn óndiruding jalpy kólemining 25%-yna deyin jetkizu josparlanuda. Osynday qúndy mәlimetterdi keltire kele Bauyrjan Ómirzaqov, Qazaqstanda Atom elektr stansiyasyn salu jasyl energetikagha jasalatyn qadam ekenine de mәn berdi.

«Memleket ekonomikasynyng túraqty damuynyng jәne túrghyndardyng sapaly ómirining kepili - energetikalyq qauipsizdik. Jasyl energetikany  qúru ayasynda Qazaqstanda atom elektr stansiyasynyng qúrylysy janartylatyn energiya kózderin damytudyng strategiyalyq manyzdy qosymshasy bolyp tabylady. Búl joba elimizding energetikalyq jýiesining túraqtylyghyn edәuir qamtamasyz etedi jәne keshendi ekonomikalyq damudyng jana drayverine ainalady. Qabyldanghan strategiya últtyq maqsattargha qosymsha retinde basqa jasyl energiya eksportynyng jana mýmkindikterin ashady», - dedi ol.

Sarapshynyng payymdauyna sýiensek, Memleket basshysynyng shet elderge saparlarynyng qorytyndysy boyynsha qol jetkizilgen uaghdalastyqtar Ortalyq Aziya men Ontýstik Kavkaz elderining energetikalyq jýielerin biriktiruge, sonday-aq әlemdik naryqqa shygharu, ekologiyalyq taza energiyany  jetkizuding senimdi dәlizderin qúru ýshin jana mýmkindikter ashady. Preziydent atap ótkendey, 2025 jyly Qazaqstanda jalpy quaty 600 megavattan asatyn iri jobalar atqarylady. Búl Qazaqstannyng energetikalyq әleuetin arttyryp qana qoymay, túraqty damu baghytyndaghy manyzdy qadam bolady dep boljaydy sarapshylar.

Suret: Spiykerding jeke múraghatynan alyndy.

«Qazaqstan atom elektr stansalary» JShS bas menedjeri Asuan Siyabekovtyng pikirinshe, elimizde biyldan bastap energetika salasyna qatysty auqymdy josparlar iske asyryla bastaydy.

«Kópshilik talqysyna týsken súhbatta Memleket basshysy «jasyl energetika» salasy turaly oy qozghady. Býginde әlemning kóptegen damyghan  elderi qorshaghan ortagha ziyansyz, ekologiyalyq taza energiya kózderin paydalanyp jatqanyn mәlim. Endi Qazaqstan da aldaghy jyldary jasyl energetika salasynda kóptegen jetistikterge qol jetkizedi dep oilaymyn. AES boyynsha referendum ótkeni jәne onyng nәtiyjesi kópshilikke mәlim. «Jasyl energetika» kózi retinde atom elektr stansalaryn qarastyryp jatqanymyz da sol bolashaqtyng qamy ýshin. Songhy jyldary jasyl energetikany damytu jónindegi jobalar boyynsha birqatar sheteldik investorlarymen kelissózder sәtti ayaqtaldy. Búl - jasyl energetikagha kóushge jasalghan naqty qadamdar. Memleket basshysy aitqan jasyl energetika jónindegi bastamalar  elimizding ekonomikalyq jәne ekologiyalyq túraqtylyghyn qamtamasyz etip qana qoymay, Qazaqstannyng halyqaralyq qauymdastyqtaghy abyroy-bedelin arttyra týsedi. Sonymen qatar, atom energiyalaryn útymdy paydalanu arqyly energetikalyq qauipsizdikti qatmtamasyz etuge bolady. Búl joba elimizding elimiz­ding energetikasyn damytu, infra­qúrylymdy janalau ýshin qajet», - dedi Asuan Siyabekov.

Mamandardyng aituynsha, Qazaqstan «jasyl ekonomikagha» kóshu tújyrymdamasyn qabyldaghan. Oghan sәikes, AES saludan bólek, 2050 jylgha qaray elde óndiriletin energiyanyng jartysy su, kýn, jel siyaqty tabighy quat kózderinen alynugha tiyis. Búl sharalardyng bәri kómirqyshqyl gazynyng taraluyna tosqauyl qonggha baghyttalghan.

Ayta ketelik, biyl energetika salasynda jalpy quaty 600 megavattan asatyn iri jobalar jýzege asyrylady. Yaghny shetel investorlarymen jel, kýn jәne su elektr stansalaryn salu turaly kelisim-sharttar jasalynyp jatyr. Atalmysh is-sharalar arqasynda «Jasyl energetika» salasy qanatyn kenge jaymaq. Búl júmystardyng bәri elimizding ekologiyasyn jaqsartugha septigin tiygizbek.

Suret: Spiykerding jeke múraghatynan alyndy.

Sonday aq elimizding ekobelsendileri jasyl energetika bastauynda ekologiyalyq sauattylyq túrghanyn algha tartady. «Taza Qazaqstandy ornatu,  adam densaulyghyn jaqsartu mәselesi bizding basty mindetimiz», - deydi qogham belsendisi, ekobloger Meruert Salyqova.

«Qazaqstannyng túraqty әri ornyqty damugha degen úmtylysynyng bir túsy - jasyl energetika bolyp tabylady. Qazir býkil әlem qorshaghan orta  ziyanyn tiygizetin qúrylymdardy, tehnologiyalardan bas tartyp, oghan balama kózderdi tabu júmystarymen ainalysyp jatyr. Jasyl energetikagha qatysty jobalar ózimizde jýzege asyp jatqandyghy quantady. Jalpy býkil jep-jahanda klimat ózgeruining saldarynan әlemdik ekonomikada «jasyl energetikagha» kóshuge degen ýlken betbúrysty bayqau qiyn emes. Jasyl energetikany zaman talabyna say qoldanysqa engizu arqyly qorshaghan ortan qorghap qalsaq eken. Osynday jobalar elimiz ýshin, tazalyq ýshin, bolashaq úrpaq ýshin asa qajet. Múnyng bәri azamattarymyzdyng ómir sapasyn jaqsartugha baghyttalghan manyzdy qadam. Mening qazir erikti retinde atqaryp jýrgen júmystarymnyng barlyghy qorshaghan ortagha qamqor bolu, ekologiyalyq sauattylyqty jas úrpaqqa ýiretu bolyp tabylady. Negizi әrbir azamat tabighatqa janashyr bolyp,  tabighy resurstardy ýnemdey alady. Aynalany taza ústau, qoqys shygharatyn dýniyelerdi barynsha paydalanbau,  qoqys súryptau - qarapayym ghana is. Múnyng týk te qiyndyghy joq. Tek sauatty kózqaras, yqylas-niyet kerek», - deydi qogham belsendisi.

Qogham belsendisining aituynsha, әrbir azamat óz otbasynan bastap, túratyn jerin qúrmettep, tazalyqty  saqtap, ainalany lastaudan aulaq bolsa, aua men sudy býldirmey, Jer-Ananyng tozuyna jol bermeuge óz ýlesin qosuy tiyis. Sebebi Preziydentimizding ózi «jasyl jobalardy» belsene iske asyrugha ýndep otyr.

Avtor: Sandughash Rayym

Abai.kz