Qazaqstanda 8 myngha juyq orta bilim beru úiymynda 400 myngha juyq pedagog júmys isteydi. QR Oqu-aghartu ministrligining mәlimetinshe, olardyng 300 myngha juyghy attestasiya qorytyndysy boyynsha biliktilik sanattary ýshin ýstemeaqy alady.

2020 jyldan bastap Preziydent tapsyrmasyna sәikes, pedagogterding ailyq enbekaqysy 100%-gha ósti. Sonday-aq 2023 jyldyng qyrkuyeginen bastap mektepke deyingi bilim beru úiymdarynyng tәrbiyeshilerining jalaqysy 30%-gha artty. Al tehnikalyq jәne kәsiptik bilim beru úiymdaryna kәsiporyndardan tartylghan mamandargha 30-35 % kóleminde ýstemeaqy qosyldy.

«Pedagog mәrtebesi turaly» zang qabyldanghannan keyin, múghalimderding jalaqysynyng mólsheri biliminin, sanatynyng (sheber, zertteushi, sarapshy, moderator) dengeyine jәne enbek ótiline, jýkteme kólemine, sonday-aq enbek etu jaghdayyna baylanysty qosymsha tólemder, akademiyalyq dәrejesining boluy (10 AEK), tәlimgerlik etui, sabaqtan tys sporttyq dәrister beruine (bazalyq lauazymdy enbekaqydan 100%) baylanysty qalyptasady.

Osylaysha, týrli sanattarynyng boluyna baylanysty pedagogterge kelesidey ýstemeaqy tólenedi:
* Pedagog-sheber – 50%
* ⁠Pedagog-zertteushi – 40%
* ⁠Pedagog-sarapshy – 35%
* ⁠Pedagog-moderator – 30%

Auyl múghalimderine erekshe kónil bólinude – olardyng jalaqysy qalalyq әriptesterine qaraghanda, keminde 25%-gha joghary.

2024 jyldyng qorytyndysy boyynsha Qazaqstanda múghalimning ortasha ailyq jalaqysy 1 mólsherleme ýshin (16 saghat) 352 myng tenge, al auyl múghalimderi ýshin 435 myng tengeni qúrady. Búl rette Últtyq bilim beru derekter bazasynyng mәlimetinshe, elimizding pedagogterining jartysy 1,5 mólsherlememen (24 saghat) júmys jasap, aiyna ortasha 581 myng tenge jalaqy alady.

Sonymen qatar, Qazaqstan bilim beru isindegi jetistikteri, olimpiada jýldegerlerin dayyndaghany jәne memlekettik nagradagha ie bolghany ýshin aqshalay syiaqymen marapattaudy ýrdiske ainaldyrghan sanauly elderding biri. 2023 jyly 89 pedagog memlekettik syiaqynyng laureaty atandy, syiaqy kólemi 3,6 mln tengeni (1000 AEK) qúrady. Marapattalushylardyng arasynda – Enbek erleri, Qazaqstannyng enbek sinirgen ústazdary, «Ýzdik pedagog» bayqauynyng jenimpazdary bar.

Osylaysha, songhy bes jylda Qazaqstan ailyq jalaqynyng ósuin ghana emes, ýstemeaqy tóleu jәne yntalandyru jýiesin qamtamasyz etu arqyly pedagogterding mәrtebesi men qarjylyq әleuetin kóteru baghytynda manyzdy bastamalardy jýzege asyrdy.

Abai.kz