Men myna materialdy tauyp, oqyp otyrghanda, kezindegi qazaq dalasyndaghy halqymyzgha zobalang әkelgen ashtyqtyng qanday bolghandyghyn jýregimmen týsingendey boldym. Qúdayym! Múnday nәubetten elimizdi әr uaqytta aulaq qylsyn dep tileyik!

Kýn ystyq. Auada kýlimsiz iyis bar. Kishkentay ghana auylda sәt sayyn bir adam ashtyqtan jan tapsyrady. Osynau tóbe qúiqany shymyrlatqan kórinisting boyauyn jemtik andyghan qúzghyn-qargha  qonlata týskendey. Kenet, sәbiyding jylaghan әlsiz ýni estiledi...

1993 jyldyng kóktemi. Ontýstik afrikalyq fotojurnalist Kevin Karter qanshama adamnyng ómirin jalmaghan ashtyqty suretke týsiru ýshin arnayy tapsyrmamen Sudangha keledi. Jergilikti halyqtyng tym auyr túrmysyn, ashtyqtan qinalyp jatqan adamdardyng beynesin taspagha týsirgen ol, birneshe kýngi júmystan әri kadrgha ilikken jan týrshigerlik jaghdaylardan qatty sharshap, bir uaqyt sergimek bolyp, auyl syrtyna shyghady. Aynalasyn alasa aghashtar qorshaghan alanqaygha bettey jýrgende Kevinning qúlaghyna balanyng synsyghan ýni talyp jetti. Nazar salyp qarasa, anau bir jerde qu jany ghana qalghan sәby shókimdey bolyp qúlap, jatyr eken.  Fotoapparatyn «oqtap», nysanagha ala bergeni sol edi, oida joqta qúzghyn payda bola ketedi. Qústy ýrkitip almay, mysyqtabanday eptep basyp jaqyndaghan fotograf «sәtti túsy osy-au» dep basyp qaldy. Búdan song ol әlipting artyn baghyp, jartysaghattay kidiredi. Aqyry, qúzghyndy ýrkitip, úshyryp jiberedi. Al sәl tynystap, kýsh jinaghan sәby enbektegen kýii ary qaray jyljyp kete barady. Kevinning kensirigi ashyp, kózinen ystyq jas yrshyp týsti.

Erteninde Kevin Karter Yohannesburgke (OAR) qaytyp oralady. Ol kezde әlemdik baqta Sudandaghy  ashtyq taqyryby kýn qúrghatpay shyghyp túratyn. «Izdegenge súraghan» demekshi, amerikalyq «Niu-York Tayms» gazeti әlgi fotony qymbatqa satyp alyp, 1993 jyly 26 nauryzda jariyalaydy. «Sudandaghy ashtyq» degen atpen jaryq kórgen búl fotosuret Afrikadaghy qayyrshylyqtyng simvolyna ainalyp, tuyndy avtory dýniyejýzine tanymal bolady.

1994 jyly 23 mamyrda әigili fotosuret ýshin Kevin Karter Puliyser syilyghyn alady. Al surettegi sәbiyding taghdyry ne bolghany әli kýnge beymәlim.

Beysenghazy Úlyqbek,

Qazaqstan Jurnalister Odaghynyng mýshesi

Abai.kz