Býgin Astanadaghy «Qazaq eli» alanynda Úly Jenisting 80 jyldyghyna arnalghan Áskery parad ótti.

Saltanatty is-sharagha elimizge memlekettik saparmen kelgen Vietnam Kommunistik partiyasy Ortalyq komiytetining Bas hatshysy To Lam qatysuda.

Áskery paradty Qazaqstan Respublikasy Qaruly Kýshteri Qúrlyq әskerlerining Bas qolbasshysy general-mayor Mereke Kóshekbaev basqardy. Qazaqstan Respublikasy Memlekettik kýzet qyzmetining tu ústaushylar toby Memlekettik tudy jәne Jenis tuyn alangha alyp keldi.

Suret: Aqorda telegram arnasynan alyndy.

Jenisting Qyzyl tuy – osydan 80 jyl búryn әigili otandasymyz Raqymjan Qoshqarbaev pen onyng maydandasy Grigoriy Bulatov Reyhstagqa tikken tudyng kóshirmesi.

Súrapyl soghys jyldary qazaqstandyq sarbazdar maydannyng aldynghy shebinde, eng qanqúily shayqastarda erlikting eren ýlgisin kórsetti. 1945 jyly 30 sәuirde qazaq batyry Raqymjan Qoshqarbaev Berlindegi Reyhstagqa jenis tuyn tikti. Osynau danqty erligi ýshin Qoshqarbaev sol kezde «Jauyngerlik Qyzyl Tu» ordenimen marapattaldy. Al 1999 jyly 7 mamyrda Raqymjan Qoshqarbaevqa «Halyq qaharmany» ataghy berildi.

Memleket basshysy – Qazaqstan Qaruly Kýshteri Jogharghy Bas qolbasshysy Qasym-Jomart Toqaevtyng Úly Jenisting 80 jyldyghyna arnalghan әskery paradtaghy sózi:

Suret: kaztag.kz saytynan alyndy.

Qasym-Jomart Toqaev:

«Biyl Úly Jeniske – 80 jyl! Barshanyzgha Úly Jenis kýni qútty bolsyn! Búl meyram – halqymyzdyng jauyngerlik ruhynyng simvoly. Biz eldik ýshin kýresken batyr babalardy úlyqtaymyz. Otan qorghau jolynda opat bolghan bozdaqtargha taghzym etemiz. Beybit kýndi qyraghy kýzetip túrghan sarbazdargha qúrmet kórsetemiz. Úly Otan soghysy býkil adamzat ýshin óte qiyn synaq boldy. Onyng zardaby kóptegen elge auyr tiydi, solardyng ishinde Qazaqstan da bar. Qaharly kýnder soghystyng tek qasiret әkeletinin kórsetti. Beybitshilikting bagha jetpes baylyq ekenin úghyndyrdy. Úly Jenis – tarihymyzdyng ajyramas bóligi jәne kýlli әlem ýshin ýlken sabaq. Biz osy aqiqatty әrdayym este saqtauymyz kerek. Zúlmat kezendi bastan ótkergen maydangerler qazir ortamyzda otyr. Qúrmetti ardagerler, barsha halyqtyng atynan Sizderge shyn jýrekten alghys aitamyn! Agha buynnyng óshpes erligi – úrpaqqa úlaghat. Otanshyldyghy men janqiyarlyghy – ýlgi-ónege. Biz Úly Otan soghysynyng ardagerlerin eshqashan úmytpaymyz! Barshanyzgha bas iyemiz», - dedi.

Memleket basshysy:

«Halqymyz Úly Jeniske ólsheusiz ýles qosty. Úly Otan soghysy jyldarynda maydangha 1 million 200 mynnan astam qazaqstandyq attandy. Olardyng teng jartysy erlikpen qaza tapty. Keler úrpaqtyng jarqyn әri beybit keleshegi ýshin óz ómirlerin qúrbandyqqa shaldy. Danqty úl-qyzdarymyz erlikting ozyq ýlgisin kórsetti. Qazaqtyng jaujýrek últ ekenin pash etti. 500-den astam jauyngerimiz Kenes Odaghynyng Batyry atandy. Talghat Biygeldinov, Sergey Luganskiy, Saghadat Núrmaghambetov, Ivan Panfilov, Bauyrjan Momyshúly, Nýrken Ábdirov, Mәlik Ghabdulliyn, Sabyr Rahimov, Mәnshýk Mәmetova, Áliya Moldaghúlova, Raqymjan Qoshqarbaev, Hiuaz Dospanova jәne basqa da kóptegen qaharmandarymyz óshpes iz qaldyrdy. Tyl enbekkerleri soghys jyldary jankeshtilik pen tabandylyq tanytty. Qazaqstannan maydangha bir jarym myng vagon kiyim-keshek pen azyq-týlik jiberildi. Elimizge jýzdegen kәsiporyn kóshirildi, kóptegen jana óndiris salyndy. Olar óte qysqa merzim ishinde maydangha qajet ónimder shyghara bastady. Júrtymyz júdyryqtay júmylyp, kýni-týni júmys istep, qaru-jaraq pen oq-dәri dayyndady, әskery kiyim tikti. Soghystaghy on oqtyng toghyzy Qazaqstanda jasaldy. Úly Jenisti úlyqtau degenimiz, búl – eng aldymen, erjýrek batyrlarymyzdy jadymyzda mәngi saqtau degen sóz. Olardyng erligi men enbegin jas úrpaq bilip ósuge tiyis», - dedi.

Suret: Viydeo skriyni.

Preziydent:

«Biz Jenisting 80 jyldyghyn atap ótuge basa nazar audardyq, elimiz boyynsha myndaghan manyzdy, auqymy keng is-shara ótkizilip jatyr. 500-ge juyq kóshege Qazaqstan qaharmandarynyng esimi beriletin boldy. Elimizde qazaqstandyq maydangerlerge arnalghan «Batyrlargha taghzym» atty sheru ótedi. Adamzat tarihyndaghy eng súrapyl soghysqa qatysushylardyng úrpaghy atalarynyng suretterin kóshelermen alyp jýredi. Býgingidey jahandyq sayasatqa agressiya men qatygezdikting jegi qúrty dendep engen kezende soghystyng qasiretin elimizding barsha azamatyna týsindiru asa manyzdy. Aqiqatty tanymay beybitshilikting qadirin bilu mýmkin emes. Soghystyng tarihy aqiqatyn, Úly Jenisting mәn-maghynasyn qasaqana búrmalaugha jol beruge bolmaydy. Qazirgi qúbylmaly zamanda Qazaqstan ýshin eng basty maqsat – últ mýddesin qorghau. Syrtqy sayasatymyz osy maqsatty qamtamasyz etu ýshin jýrgizilip jatyr. Qazaq halqy – beybit halyq. «Janym – arymnyng sadaghasy» degen ór namysty, aibarly el», - dedi.

Suret: kaztag.kz saytynan alyndy.

Qasym-Jomart Toqaev:

«Júrtymyzdyng erlik dәstýri ghasyrlar boyy úrpaqtan úrpaqqa miras bolyp keledi. Altyn Orda, Qazaq handyghy kezindegi bahadýr babalarymyz keng baytaq jerimizdi qorghap, keyingi buyngha amanat etti. Olardyng býgingi izbasarlary qazaqtyng memlekettiligin qas qaqpay kýzetip túr. Aybyndy armiya – Tәuelsizdigimizding qorghany. Sarbazdarymyz elding beybit ómirin, tútastyghy men tynyshtyghyn qorghauda. Qaruly Kýshterimiz әlemdegi túraqtylyq pen kelisimdi saqtaugha ýles qosyp keledi. Jauyngerlerimiz Birikken Últtar Úiymynyng bitimgerlik missiyasyna oidaghyday qatysuda. Búl – býkil әlemdegi Qazaqstan armiyasyna degen zor senim», - dedi.

Memleket basshysy:

«Elimizding qorghanys qabiletin arttyru – asa manyzdy mindet. Biz Qaruly Kýshterimizdi janghyrta bastadyq, armiyamyzdy kýsheytu ýshin naqty júmys jýrgizip jatyrmyz. Osy óte manyzdy mәsele boyynsha Parlament zang qabyldady. Memleket әskery qyzmetshilerge, arnauly mekemeler men azamattyq qorghanys salasynyng qyzmetkerlerine әrdayym qoldau kórsetedi. Armiyamyzdyng kýsh-quaty jauyngerlik ruh pen temirdey tәrtipke tikeley baylanysty. Sizderding minsiz qyzmetteriniz – eldegi qauipsizdik pen tynyshtyq kepili. Biz ozyq oily últ retinde zang men tәrtipti bәrinen biyik qoyatyn boldyq. Ár azamattyng boyynda Otangha degen adaldyq pen әdildik bolugha tiyis», - dedi.

Suret: ORDA telegram arnasynan alyndy.

Qasym-Jomart Toqaev:

«El qorghau – abyroyly mindet jәne zor jauapkershilik. Búl – әr azamattyng perzenttik paryzy. Sizdermen birge barsha azamattarymyz Ádiletti, Quatty, Qauipsiz jәne Taza Qazaqstandy qúryp jatyr. Osy tarihy júmysymyz tabysty bolsyn! Ruhymyz myqty, memlekettiligimiz mәngi bolsyn! Kók Tuymyz biyikte jelbiresin! Qadirli Otandastar! Úly Jenisting 80 jyldyghy qútty bolsyn!», - dedi.

Biylghy әskery paradqa 24 paradtyq jasaq qatysty. Qatysushylardyng jalpy sany - 4,5 mynnan astam adam. Sonyng ishinde 200-den astam әskery qyzmetshi әiel men 250 kadet sap týzedi. Mehanikalandyrylghan kolonna tarihy ýlgilerdi qosa alghanda, 300-den astam әskery jәne arnayy tehnikamen jýrip ótti. Astana aspanynda әskeriy-kólik aviasiyasynyng 66 әue kemesi úshty.

Abai.kz