Astana memlekettik qyzmet haby basqarushy komiytetining tóraghasy Álihan Baymenov «Jibek Joly» telearnasyndaghy jurnalist Erbolat Múhamedjan jýrgizetin «Uәde» avtorlyq baghdarlamasyna súhbat berdi. Súhbat barysynda ol HH ghasyrdyng alghashqy jartysynda oryn alghan sayasy qughyn-sýrgin men asharshylyqtardyng sebepteri turaly óz pikirin bildirdi.

«Negizi 30-jyldardyng ortasynda qoghamnyng búghanasy syndyryldy ghoy. Ol búrynghyny ansaytyndardyng kóbisin syndyryp, qughyn-sýrginge úshyratty. Ozyq oilylardy qyryp jiberdi. Ol jýieni әli de biz myna qughyn-sýrgin kýninde eske alyp jatamyz ghoy. 20-shy jylmen 40-shy jyldyng arasynda kórgen tamúqty әli kópshilik tolyq kóz aldyna elestete almaydy. Ol uaqytta 5-6 dýrkin qughyn-sýrgin boldy,» – dedi spiyker.

Álihan Baymenov sol kezendegi sayasy repressiyalardyng birneshe tolqynyn atap ótti. Onyng aituynsha, qughyn-sýrgin aldymen Alash qozghalysyna jaqyn azamattardy qamtydy. Odan keyin mәdeny unifikasiyagha qarsy dinbasylar, joghary bilimi bar, isker adamdar, shygharmashyl túlghalar qughyndaldy.

«Bay degen úghym teris úghym bolyp shyqty. Molda degen úghym teris boldy. Alash degen úghym teris boldy. Alashtyng qayratkerlerining aty atalmady. Men qatarlylardyng ishinde menimen attastar óte siyrek. Nege? Óitkeni ol Bókeyhanovtyng atymen attas bolghandyqtan ony ataugha qoryqty,» – dedi ol.

Súhbat barysynda Baymenov halyqtyng kózi ashylyp, biylikke sengen, biraq keyinnen sol senimining qúrbany bolghan túlghalardy da atap ótti.

«Halyqqa yqpal jasay alady degen túlghalardyng bәrine – aqyn, jazushylar, óner qayratkerleri – qughyn jasaldy. Mine, osynyng barlyghyn alghanda 5-6 dýrkin qughyn-sýrgin boldy. Arasynda 2 ret asharshylyq boldy. Ol asharshylyqtardyng negizinde solaqay ekonomikalyq sayasat jatyr,» – dep qorytyndylady Álihan Baymenov.

Súhbatqa silteme:

Abai.kz