Tramp ekinshi preziydenttik merzimin bastaghan 20-shy qantarda HAMAS pen Izraili atysty uaqytsha toqtatyp, tútqyn almasudy bastaghan edi. Artynan Netaniyahu alghashqy sheteldik qonaq retinde Aq ýige at basyn tirep, sol joly Tramp әlem elderining narazylyghyn tudyrghan palestinalyqtardy kýshtep kórshi arab elderine kóshirip, «Gazany júmaqqa ainaldyru» josparyn jariyalady.

Mamyrdyng basynda Izarili әskeri Gazany qaytadan soqqynyng astyna aldy. Aymaqty qaytadan túmshalady. Gaza túrghyndary qaytadan ashtyq pen soghys qúrbanyna ainaldy. Álem elderining erekshe nazaryn audardy. Angliya, Fransiya, Kanada basshylary Izraili biyligining shekten shyqqanyn eskertip, qatang sharalar qabyldaytynyn eskertti.

Mamyrdyng 21-kýni Germaniya, Ispaniya, Resey, Qytay qatarly 31 memleketting elshilik ókilderi Iordaniya ózenining batys jaghalauyndaghy Jenin qalasyna tekseruge barghanda odan bir kýn búryn kirgen azyq-týlik tiyegen jýk kólikterining qantarylyp túrghanyn, tirshilik nәrining qorghansyz halyqqa mýlde taratylmaghanyn kórgen. Evrey әskeri olargha eskertu oq atyp, ses kórsetken. Artynan «shektelgen aumaqqa endi» dep aqtalghan.

Netaniyahu jendetterining diplomattargha oq jaudyrghan astamshylyghyn joghardaghy memlekettermen qatar halyqaralyq qauymdastyqtar qatang aiyptady. Álem elderining Tramp biylikke kelgeli bәsensigen Evreylerge qarsy narazylyghyn qayta tútatty. Keshe basqa emes Amerikada Nu-Yorkte Izraildyng AQSh-taghy elshiligining eki qyzmetkerin AQSh Fedaraldy mekemesining aldynda atyp ketti. Qylmysker qolgha týser aldynda «Palestina jasasyn» dep aiqaylaghan.

AQSh preziydenti búl qylmysty aiyptap: «Amerikada terrorizm men nәsilshildikke jol joq» dedi. Ol bir ay búryn Garvard uniyversiyteti basshylyghyn studentter arasyndaghy Palestinany qoldap, Evreylerge qarsy ereuilge shyghu qozghalysyna astyrtyn jol berdi dep aiyptap, aighaqtardy tapsyruyn, bolmasa jazalaytynyn eskertken edi. Garvard onyng ózin sotqa berip, keshegi shygharghan «72 saghatta aitqanymdy oryndamasan, shetelden student qabyldau qúqynan aiyramyn» degen qúqayyn da pysqyrghan joq.

Kózi qantalaghan Netaniyahu bolsa HAMAS qaruyn tapsyrmayynsha, biylikten ketpeyinshe soghysty toqtatpaytynyn mәlimdedi. Ol HAMAS әskery qolbasshysy Yahiya Ál-Sinuardyng orynyn basqan bauyry Múhammet Ál-Sinuardyng Evrey әskerining shabuylynan bir jerde ólip jatqanyna bek senimdi.

Ayta keteyik Tramp jaqynda ghana Parsy shyghanaghyndaghy ýsh bay arab eline saparlay baryp qúny 3 trilion dollardan astam kelisim shartqa qol qoyyp qaytqan edi. Orta shyghystaghy Amerikanyng eng jaqyn odaqtasy sanalatyn Izrailige barghan joq. Sayasy sarapshylar soghan qarap eki el qatynasyna syzat týskenin boljaghan edi. Netaniyahu ony moyyndamady.

Abai.kz