Sherzat Bolatty óltiru boyynsha prokuror aiyptalushylargha 23 jylgha deyin bas bostandyghynan aiyrudy súrady. Búl turaly «QazTAG» jazdy.

Dýisenbi kýni ótken sottaghy jaryssóz barysynda prokuror Dana Sarsenbay Sherzat Bolatty óltirdi dep aiyptalghandargha kelesi merzimderdi súrady:

Abzal Shynasyl – QK 99-baby 2-bóligi (kisi óltiru), 293-baptyng 3-bóligi (búzaqylyq), 24-baptyng 3-bóligi (qylmysqa dayyndalu jәne qylmysqa oqtalu) – 23 jyl;

Ravili Sakiyev – QK 293-baptyng 3-bóligi (búzaqylyq), 99-baptyng 2-bóligi (kisi óltiru), 24-baptyng 3-bóligi (kisi óltiruge oqtalu) – 20 jyl;

Shynghys Belghojaev – QK 293-baptyng 3-bóligi (búzaqylyq) – 7 jyl;

Darhan Askentay – QK 293-baptyng 3-bóligi (búzaqylyq) – 7 jyl;

Núrkiyas Iliyasov – QK 293-baptyng 3-bóligi (búzaqylyq) – 9 jyl;

Núrbol Toqtaubaev – QK 293-baptyng 3-bóligi (búzaqylyq) – 7 jyl;

Azamat Toqtaubaev – QK 293-baptyng 3-bóligi (búzaqylyq), qosymsha 188-bap boyynsha (úrlyq) – 15 jyl;

Didar Qaliahmet – QK 293-baptyng 3-bóligi (búzaqylyq) – 7 jyl;

Didar Ysqaq (kәmeletke tolmaghan) – QK 434-baby (auyr qylmys turaly habarlamau) – 1 jyl 6 ay bas bostandyghynan aiyru.

Eske salayyq, byltyr 4 qazan kýni tóbelesten 16 jasar Sherzat qaytys boldy, keyin ashuly talgharlyqtar jasóspirim ólimine baylanysty narazylyqqa shyqty.

2024 jyldyng 12 qazanynda qara jamylghan otbasynyng ýii órtenip ketti. Almaty oblysynyng Polisiya departamenti bótenning mýlkin qasaqana jong faktisi boyynsha is qozghady.

15 qazan kýni Talghar qalasynyng әkimi Bahyt Quatbekúly Kýrishbekov, Talghar qalasy әkimining orynbasary Matan Saghyndyq óz mindetterin tiyisti dengeyde atqarmaghany ýshin lauazymdarynan bosatyldy. Artynsha, Talghar audany әkimi apparatynyng basshysy Aslan Qasymbaev qyzmetinen quyldy.

2024 jyldyng jeltoqsan aiynda Talghar manynda Sherzat Polattyng aghasy óli tabyldy.

Ishki ister ministri Erjan Sadenov búl isti jeke baqylauyna aldy. Keyin belgili bolghanday, búl iske baylanysty jeti adam eki aigha qamaugha alynghan. Sonymen qatar, 7 qazanda marqúmnyng tuystary Talghar qalasynda narazylyqqa shyqqany habarlandy. Osydan keyin marqúmnyng tuystarynyng narazylyghyna baylanysty tekseru bastaldy. 8 qazanda búl iste jana derekterding anyqtalghany turaly habarlandy.

12 qazangha qaraghan týni Almaty oblysy Enbekshiqazaq audany Azat auylynda jasóspirimning ýii órteldi. Polisiya qylmystyq is qozghap, Sherzat Bolattyng otbasyn qorghaugha aldy. Sonymen qatar, órt bolghan kezde otbasy basqa jerde túryp jatqany belgili boldy. Bas prokuratura búl jaghdaygha baylanysty mәlimdeme jasap, órtti tergeudi óz baqylauyna aldy. Almaty oblysynyng әkimdigi órtengen ýidi qalpyna keltiruge kómektesuge uәde berdi.

Abai.kz