Memleket basshysy QHR Tóraghasymen kelissóz jýrgizdi. Búl turaly Aqorda baspasóz qyzmeti habarlady.

Memleket basshysynyng aituynsha, QHR Tóraghasy qazaq jerinde qay kezde de qadirli qonaq sanalghan, al onyng búl jolghy sapary – shynayy әri myzghymas dostyghymyzdyng aiqyn kórinisi.

– Qytay Halyq Respublikasy – Qazaqstannyng tatu kórshisi, jaqyn dosy jәne senimdi seriktesi. San qyrly qazaq-qytay yqpaldastyghy Sizding jeke qoldauynyzben mәngi әri jan-jaqty strategiyalyq әriptestik ruhynda jәne búryn-sondy bolmaghan qarqynmen damyp kele jatyr. Múny erekshe yqylaspen atap ótkim keledi. Ortaq tarihymyzgha múqiyat ýnilsek, elderimizding arasynda eshqanday týitkilder nemese tosqauyldar bolmaghan. Tek qana ózara dostyq pen yqpaldastyq, týsinistik pen jyly lebizder basym boldy. Qytay halqy qazaq halqyna eshqanday ziyan keltirgen joq,– dedi Qazaqstan Preziydenti.

Memleket basshysy ekijaqty qarym-qatynas jyldan jylgha nyghayyp, jana «altyn kezenge» qadam basqanyn mәlimdedi. Dostyq baylanys eki elding túraqty әleumettik-ekonomikalyq damuyna jәne halyqtardyng әl-auqatyn jaqsartugha zor septigin tiygizip jatqanyna nazar audardy.

Qasym-Jomart Toqaev QHR Tóraghasynyng elimizge sapary onyng tughan kýnimen túspa-tús kelip otyrghanyna erekshe mәn berip, Sy Szinipinge zor densaulyq, baq-bereke, jauapty memlekettik qyzmetine tolayym tabys tiledi.

– Sizdi Qazaqstanda asa kórnekti memleket qayratkeri, halyqaralyq qoghamdastyq aldynda zor abyroy-bedelge ie kóregen kóshbasshy dep biledi. Elinizding qarqyndy damuy Ózinizben tikeley baylanysty. Sizding sarabdal sayasatynyzdyng arqasynda Qytay Halyq Respublikasy әleumettik-ekonomikalyq janghyru jәne azamattardyng әl-auqatyn jaqsartu isinde eren jetistikke jetetinine senimdimin. Biz jana tarihy kezende ózine tәn ereksheligi bar sosializm negizin qalap jatqan Qytay halqynyng mol tabystaryna shyn quanamyz. Sizding maghan jәne barsha Qazaqstan halqyna degen qúrmetinizdi joghary baghalaymyn, – dedi Qasym-Jomart Toqaev.

Preziydent Qytaydy Qazaqstannyng tatu kórshisi jәne uaqyt tezinen ótken senimdi strategiyalyq seriktesi dep atady. Memleket basshysynyng aituynsha, eki elding qarym-qatynasy túraqty sipatqa ie әri oghan geosayasy syn-qaterler men dýrbelender, sonday-aq halyqaralyq ahual teris әser etpeydi.

– Qytay Qazaqstanmen aradaghy yntymaqtastyghynda qanday da bir sayasy shart qoymaghan. Bizding egemendigimiz ben qauipsizdigimizge kórsetken qoldauynyzdy baghalaymyz. Qytaydyng beybitshilik bastamalaryn qoldaymyz. Elinizding әdil әlemdik tәrtip ornatu әreketterin quattaymyz, – dedi Qazaqstan Preziydenti.

Qasym-Jomart Toqaev eki elding BÚÚ, ShYÚ, AÓSShK sekildi halyqaralyq jәne ónirlik úiymdar ayasynda, sonday-aq BRIKS + jәne «Ortalyq Aziya – Qytay» formatynda joghary dengeydegi yqpaldastyq ornatqanyn atap ótti.

Memleket basshysy QHR-dyng Qazaqstannyng eng iri sauda-ekonomikalyq seriktesi ekenin eske saldy. Byltyrghy qorytyndy boyynsha ekijaqty sauda-sattyq kólemi 44 milliard dollargha jetken. Búl – rekordtyq kórsetkish.

Sonymen qatar Preziydent mәdeniy-gumanitarlyq saladaghy eleuli jetistikterge toqtaldy. Atap aitqanda, elimizde mәdeniyet ortalyqtary, Lu Bani sheberhanalary, Qytay joghary oqu oryndary men ghylymiy-tehnikalyq ortalyqtarynyng filialdary ashyldy.

Qazaqstan Konfusiy ortalyqtaryna qoldau kórsetedi. 2025 jyl «Qazaqstandaghy Qytay turizmining jyly» bolyp jariyalandy. Búl ekijaqty yntymaqtastyqty terendetuge, ózara senimdi nyghaytugha septigin tiygizedi.

Qasym-Jomart Toqaev atom energetikasy salasyna arnayy toqtaldy.

– Biz Qazaqstanda birneshe, tym bolmaghanda eki-ýsh AES salu turaly sheshim qabyldadyq. Osy manyzdy jobagha iri kompaniyalardy tartugha qatysty júmys jýrgizilip jatyr. Qazaqstan Respublikasynyng Atom energiyasy jónindegi agenttigi qúryldy. AES qúrylysy boyynsha Qytaydyng CNNC kompaniyasyn senimdi strategiyalyq seriktes retinde qarastyryp otyrghanymyzdy erekshe atap ótkim keledi. Álemge әigili kompaniya bizding naryqta óz ornyn tabatyny anyq. Sonymen qatar Qazaqstan Qytaygha tabighy uran men yadrolyq otyn jetkizip otyrghan senimdi el, – dedi Preziydent.

Sy Szinipin qazaq jerinde kórsetilgen syi-qúrmet ýshin Preziydentke rizashylyghyn bildirdi. Ol Qasym-Jomart Toqaevtyng basshylyghymen Qazaqstan últtyq janghyru jolyna týskenin, el damuynda tyng tabystargha qol jetkizip kele jatqanyn atap ótti.

– Tatu kórshi әri strategiyalyq seriktes retinde biz Sizderding jetistikterinizge tәntimiz. Sizder ýshin quanyshtymyz. Qytay men Qazaqstannyng qarym-qatynasy qúbylmaly әlemning synyna tótep berip, qarqyndy damyp keledi. Búl – tek geografiyalyq túrghydan jaqyndyqtyn, ghasyrlargha úlasqan dostyqtyng arqasy ghana emes, elderimizding órkendeu jolyndaghy tabighy súranysy. Songhy jyldary birlesken kýsh-jigerding nәtiyjesinde taghdyry ortaq Qytay men Qazaqstan arasyndaghy yqpaldastyq jana mәn-mazmúnmen tolyghyp jatyr. Birqatar әleumettik manyzy bar jobalardyng jýzege asyryluy qos halyqqa aitarlyqtay payda әkeldi. Men Ózinizben tize qosyp, Qytay-Qazaqstan dostyghyn nyghaytugha, ónirding jәne jalpy әlemning damuyna eleuli ýles qosu ýshin eki elding san qyrly yntymaqtastyghyn odan әri ilgeriletuge әzirmin, – dedi QHR Tóraghasy.

Preziydent Qasym-Jomart Toqaev pen QHR Tóraghasy Sy Szinipin jýrgizgen kelissóz nәtiyjesinde 24 ýkimetaralyq jәne vedomstvoaralyq qújatqa qol qoyyldy. Eki el delegasiyasynyng mýsheleri energetika, aerogharysh, sifrlandyru, keden, auyl sharuashylyghy, elektrondy sauda, turizm, ziyatkerlik menshik, medisina, media, ghylym, óniraralyq baylanys salalaryndaghy yntymaqtastyqty qamtityn qújattarmen almasty. Olardyng ishinde investisiyalardy kótermeleu jәne ózara qorghau, tehnikalyq-ekonomikalyq yntymaqtastyq turaly ýkimetaralyq kelisimder bar.

Abai.kz