Aq ýiding әkimshilik-budjettik basqarmasy AQSh Memlekettik departamentine býkil әlem boyynsha әskery qylmystardy tergeytin jiyrmagha juyq baghdarlamany qarjylandyrudy toqtatudy úsyndy, dep habarlaydy Reuters derekkózder men ishki qújattargha silteme jasay otyryp.

Ángime Ukrainadaghy reseylik әskery qylmystardy tergeu jónindegi jobalar turaly da bolyp otyr. Agenttik súhbattasushylarynyng aituynsha, toqtatugha úsynylatyn baghdarlamalardyng arasynda - Ukrainanyng Bas prokuraturasy ýshin Memlekettik departamentting 18 million dollarlyq granty, sonday-aq býkil Ukraina boyynsha zorlyq-zombylyq pen azaptaulardy qosa alghanda, adamzatqa qarsy qylmystardyng dәleldemelerin jinaugha kómektesetin joba bar.

Reuters habarlaghanday, Aq ýiding úsynysy - búl baghdarlamalardy alyp tastau jónindegi týpkilikti sheshim emes. Memlekettik departament onyng kýshinde qalmauyn daulay alady. Alayda, memlekettik hatshy Marko Rubionyng kóptegen baghdarlamalardy saqtap qaluy mýmkin emes. Memlekettik departament basshysy asa manyzdy bastamalardy ghana qoldap kýshinde qaldyra alady.

Donalid Tramptyng әkimshiligi 2025 jyldyng qantarynda júmysyn bastaghannan beri shetelge berilip kelgen kómekting milliardtaghan dollaryn toqtatyp, qysqartqan edi. Osynday kómekke jetekshilik etken AQSh-tyng halyqaralyq damu jónindegi agenttigi (USAID) qayta úiymdastyru turaly sheshim qabyldady. Onyng funksiyalarynyng bir bóligi Memlekettik departamentke auysty.

Reuters agenttigi aqpanda habarlaghanday, sheteldik kómekting toqtatyluy Kiyevke әskery qylmystardy tergeude kómek kórsetetin jobalardy qarjylandyrudyng kýrt tómendeuine alyp keldi. Búl jobalardyng ondaghan qyzmetkerleri qysqartugha úshyrady.

Abai.kz