Memleket basshysy Kәsipkerlerding qúqyghyn qorghau jónindegi uәkil Qanat Núrovty qabyldady, dep habarlaydy Aqordanyng baspasóz qyzmeti.

Preziydentke biznes-ombudsmenning 2024 jyly atqarghan júmysynyng nәtiyjeleri turaly esep berildi.

Qanat Núrov kәsipkerlerding qúqyghy búzyluyna qatysty kelip týsken 3275 shaghymnyng 1759-y (53,7%) boyynsha ong sheshim qabyldanghanyn jetkizdi. Sonyng nәtiyjesinde 20 milliard tengeden astam shyghynnyng aldyn alugha mýmkindik tudy. Jalpy, aryz-shaghym sany 12 payyzgha azayghan. Búl әkimshilik әdilet institutynyng tiyimdiligin kórsetedi.

Memleket basshysynyng tapsyrmasyn oryndau maqsatynda biznesting damuyn tejeytin basy artyq әkimshilik kedergilerdi anyqtaugha jәne joygha basa mәn berildi.

Sonymen qatar biznes-ombudsmen kәsipkerlik qyzmetti retteytin normativtik-qúqyqtyq aktilerge ózgerister engizuge qatysty birqatar úsynysyn jetkizdi. Keybir jekelegen jaghdayattar boyynsha tiyisti retteushi jәne qúqyq qorghau organdaryna talap-aryz joldanghan.

Kezdesu sonynda Preziydent Qasym-Jomart Toqaev kәsipkerlerding qúqyghyn qorghau sharalaryn odan әri kýsheytu manyzdy ekenine nazar audardy. Memleket basshysy Kәsipkerlikti qorghau strategiyasyn jýzege asyru ayasynda qordalanghan problemalardy sheshuge baghyttalghan birqatar tapsyrma berdi.

Abai.kz