Bauyrjan Bәibek Qazaqstangha oralu ýshin garantiya súraudy oilastyruda Qantar oqighasynan keyin shetelge ketip qalghan Almaty qalasynyng eks-әkimi Bauyrjan Bәibek elge qaytu ýshin Bas Prokuraturany jaghalay bastady deydi, DALA INSIDE derekkózi. Onyng sózinshe, Bәibekke «eger elge qaytsa, ony qylmystyq jauapkershilikke tartpaydy» degen naqty kepildik kerek siyaqty.

«Bauyrjan Bәibekke eshkim Qazaqstangha oralugha tiym salghan joq. Jәne qúzyrly organdar onyng qylmystyq isting orbitasynda joq ekenin habarlaghan bolatyn. Biraq ol «qyzyl tizimge» ilinip qalugha qorqady. «Eski Qazaqstannyn» kóptegen yqpaldy túlghalary qazir qyzyl tizimde bolghandyqtan Qazaqstan aumaghyn tastap shygha almay, qorshauda qalyp qaldy», - deydi, derekkóz.

Qyzyl tizimdegi adamdargha Qazaqstan aumaghyn tastap ketuge shekteu qoyylghan. Yaghny olar elden shygha almaydy. Olargha qatysty eshqanday qylmystyq is qozghalmasa da, bolashaqta súraqtar tuyndauy mýmkin degen pozisiya bar. Sondyqtan Bauyrjan Bәibek Qazaqstangha kelse, búdan keyin shetelge shygha almay qaluy mýmkin.

«Bәibekke qyzyl tizimge ilinbeydi degen garantiyany eshkim bermeytin siyaqty. Bas Prokuraturanyng onymen baylanys ornatugha mýlde niyeti joq. Últtyq qauipsizdik komiyteti de Bәibekti kelissózder jýrgizuge túratyn layyqty túlgha dep sanap otyrghan joq. Basty sebebi – zansyz aktivterdi qaytaru isinde Bauyrjan Bәibekten memleketke eshqanday payda kelmeytindiginde dep oilaymyn», - dep týidi, derekkóz.

Búghan deyin biz Bauyrjan Bәibekting songhy jyldary Kiprde túraqtaghanyn jazghan bolatynbyz. Biraq ol Europagha jii saparlap jýr. Onyng shetelde kriptavalutamen ainalysyp kórgeni turaly insayd ta payda bolghan. Baybekke qatysty qylmystyq is qozghalyp jatsa, ol eki baghytta jýrui mýmkin. Birinshisi, «Staty dauy» boyynsha qúryqtalyp, 9 jylgha sottalghan búrynghy Ádilet ministri Marat Beketaevtyng tergeudegi birshama «pokazaniyesi» Bauyrjan Bәibekti qúryqtyqtaugha sebep bola alady. Ekinshiden, onyng әkim bolghan uaqytynda Almatydaghy baghaly jer telimderin ýlestiru boyynsha birshama potensialdy jemqorlyq faktileri jinalyp qaldy. Qauipsizdik komiyteti kez kelgen uaqytta búl faktilerdi qylmystyq iske ainaldyra alady.

Abai.kz