Aq ýide ótken tarihy kezdesuden keyin Ukraina preziydenti Vladimir Zelenskiy men Resey preziydenti Vladimir Putinning alda qayda kezdesetini turaly әlemdik BAQ jii jazyp jatyr.

Osynday sәtte әr el óz alanyn úsynyp, beybitshilikke bir qadam qalghan tarihy oqighagha aralasqy keletin siyaqty.

Mysaly, Týrkiya atalghan kezdesuding óz elinde ótkenin qalaydy.

Al Fransiya preziydenti Emmanueli Makronnyng aytuynsha, Ukraina preziydenti Vladimir Zelenskiy men Resey preziydenti Vladimir Putinnin kezdesui Europada ótui kerek. Ol kezdesudi Jenevada ótkizudi úsyndy.

Seysenbi kýni fransuzdyq «TF1 Info» arnasynda kórsetilgen súhbatynda Makronnan AQSh preziydenti Donalid Tramp pen birneshe europalyq memleket pen ýkimet basshylarynyng Vashingtondaghy kezdesuinen keyin jariyalanghan búl kezdesuding Europada ótui tiyis pe degen súraq qoyylghanda ol: «Búl jay ghana boljam emes, búl – újymdyq erik», – dep jauap berdi.

«Búl beytarap elde ótedi, mýmkin Shveysariyada, men Jenevada ótuin qoldaymyn, ne bolmasa basqa elde. Songhy ret ekijaqty kelissózder Ystambúlda bolghan edi», – dep eske saldy Makron.

Al dýisenbi kýni Italiya premier-ministri Djordja Melony kezdesudi Rimde ótkizudi úsynghan bolatyn.

AQSh әkimshiligining agha ókili «Reuters» agenttigine bergen mәlimetine sәikes, Aq ýy jariyalaghan Ukraina men Resey preziydentteri arasyndaghy kelissózder Vengriyada ótui mýmkin.

Mәskeu әzirge múnday kezdesuge keliskenin resmy týrde jariyalaghan joq.

18 tamyzda Ukraina preziydenti jәne europalyq odaqtastarymen kezdeskennen keyin AQSh preziydenti Donalid Tramp Vladimir Putin men Vladimir Zelenskiyding betpe-bet kezdesuine dayyndyq jýrip jatqanyn mәlimdedi.

Aq ýidegi kelissózderge qatysqan Germaniya kansleri Fridrih Mers búl kezdesuding aldaghy eki apta ishinde ótui kýtilip otyrghanyn aitty.

Vengriya premier-ministri Viktor Orban Reseymen yntymaqtastyqty jalghastyrugha kýsh salyp, Ukrainagha әskery kómek kórsetuge qarsy shyqty. Ol Mәskeuge baryp, Putinmen kezdesken, sonday-aq Kiyevke baryp, Zelenskiymen de kelissózder jýrgizgen.

Jaulasqan eki el basshylary alda qayda kezdesetini turaly әli naqty sheshim joq.

Abai.kz