Býgin, 4 qyrkýiekte Úlybritaniyanyng Liyverpuli qalasynda bokstan World Boxing federasiyasynyng úiymdastyruymen әlem chempionaty jalauyn kóteredi. Búl turaly olympic.kz sayty jazdy. 

Bayraqty dodagha Qazaqstan tolyq qúrammen attanyp otyr. Otandastarymyz tartysqa toly bәsekede jeniske jetu ýshin ayanyp qalmasy anyq.

Biyl World Boxing federasiyasy úiymdastyruymen alghashqy әlem birinshiligi ótpek. Atalghan dýbirli dodagha 60 elden 500-den astam bylghary qolghap sheberi qatysady degen boljam bar. Boksshylar 10 salmaq dәrejesinde medalidardy ózara sarapqa salatyn bolady.

Qazaqstan kil myqtylardy jinaqtap, tolyq qúrammen óner kórsetuge dayyn. Últtyq qúrama búghan deyin Almaty oblysynda oqu-jattyghu jiynyn ótkizdi. Odan bólek, Sheffildke baryp dayyndyq júmystaryn jalghastyrdy. Jalpy jerlesterimizding saqaday say ekeni belgili.

Al biyl ótetin әlem chempionatynyng basty janalyqtarynyng biri kubalyq Hulio Sezar La Krustyng 90 keliden joghary salmaqqa auysuy boldy. Búghan deyin boksshy jartylay auyr salmaqta baq synaghan bolatyn. Al osy jyly asa auyr salmaqtaghy alpauyttarmen kýsh synasady.

Sonymen qatar búl salmaqta Qazaqstan qúramasynyng kapitany Aybek Oralbay óner kórsetedi. Odan bólek, әzirbayjandyq Muhammad Abdullaevty da atap ótken jón. Songhy ret Aybek pen Muhammad Astanada ótken Álem kubogy kezeninde júdyryqtasqan bolatyn. Sol kezde Aybek esh qiyndyqsyz jeniske jetip, nәtiyjesinde altyn medali jenip aldy. Osy jyly otandasymyz kubalyq jәne әzirbayjandyq boksshylardan ailasyn asyra ala ma?

65 kelige deyingi salmaqta da ýlken qyzyghushylyq bar. Sebebi búl salmaqta 2024 jylghy Olimpiada oiyndarynyng jenimpazy Erislandy Alivares (Kuba) bar. Sonymen qosa, ýndistandyq Abhinash Djamval sharshy alangha shyghady. Búl sportshy Astanadaghy Álem kubogy kezeninde Ertughan Zeynullinovtan basym týsken bolatyn. Osy joly qazaqstandyq boksshy qarymta qaytara ala ma?

Bәsekelestik dengeyi joghary salmaqtardyng biri - 80 keli. Álemning kil myqtylary jinalghan salmaqta Pariyj-2024 Olimpiadasynyng kýmis jýldegeri Núrbek Oralbay el namysyn qorghaydy. Búl salmaqta Rahim Gonsales (AQSh), Vanderley Pereyra (Braziliya), Sezar Yojerlen (Fransiya), Javohir Ummataliyev (Ózbekstan) syndyq myqty boksshylar bar. Degenmen, Núrbek Oralbaybyng 2024 jylghy Olimpiadada jenip alghan kýmis medali búl jarysta ony favoritterding qataryna qosugha mýmkindik beredi.

Sonday-aq Sanjar Tәshkenbay 50 kelige deyingi salmaqta qarsylas shaq keltirmeui mýmkin.

55 kelige deyingi salmaqta Mahmúd Sabyrhannyng basty qarsylasy Djunior Alikantara (Dominikan Respublikasy) bolary anyq. Ózbek sportshysy Mirazizbek Mirzahalilov ta qalys qalmaydy.

Taghy bir aita keterligi, biyl ótetin bayraqty bәsekede ózbekstandyq Abdumalik Holokov (60 kelige deyin) sharshy alangha shyghady. Búl sportshynyng basty qarsylasy Pariyj-2024 Olimpiadasynyng kýmis jýldegeri Munarbek Seytbek uulu. Parijdegi nәtiyje qaytalana ma?

70 kelige deyingi salmaqta Qazaqstan qúramasynyng júldyzday jarqyrap kele jatqan bylghary qolghap sheberi Tórehan Sabyrhan baq synaydy. Otandasymyz biyl alghash ret eresekter arasynda ótetin әlem chempionatyna qatysady. Sarapshylardyng pikirinshe Tórehan osy salmaqtyng basty favoriyti.

Qosa aitqanda, 75 kelige deyingi salmaqta әmbebap boksshy Sabyrjan Aqqalyqov sózsiz favorit ekeni anyq. Álem kubogy kezenindegi jenisinen keyin, jerlesimiz әlem chempiony ataghy ýshin kýresetin bolady.

85 deyingi salmaqta da Bekzat Núrdәuletov ózining bay tәjiriybesimen erekshelenedi. Otandasymyz búghan deyin әlem chempiony bolghan (2019). Sondyqtan kәsipqoy bokstan qayta oralghan boksshy taghy bir mәrte jenis túghyryna kóterilu ýshin esh ayanyp qalmaydy. Sonday-aq Akmoljon Isroilov (Ózbekstan), Djugnu (Ýndistan) altyn medali ýshin talasady.

Saghyndyq Toghambay óner kórsetetin 90 kelige deyingi salmaqta da bәsekelestik joghary dengeyde. Birer ay búryn Astanada ótken Álem kubogy kezeninde Isayas Santos Riybeyru Filio (90 kelige deyin) chempion atanghan bolatyn. Odan bólek dәl osy salmaqta ózining tehnikalyq ereksheligimen Djordj Malachy (AQSh) kózge týsken edi.

Al sarapshylar әlem chempionatynyng medalidaryn Qazaqstan, Ózbekstan jәne Kuba qúramalary ózara bólip alady dep boljap otyr. Sebebi, songhy 2023 jylghy әlem chempionatynda Ózbekstan 5 altyn jenip alsa, Qazaqstan tórt, al Kuba bir altyn medali iyelengen edi.

Jalpy әlem birinshiligi 14 qyrkýiekke deyin jalghasady.

Abai.kz