«Qazaqstan Temirjoly» últtyq kompaniyasy Kazinform saualyna joldaghan jauapta Wabtec kompaniyasymen aradaghy 4,2 mlrd dollardyng kelisimi turaly kenirek mәlimet berdi.

Qazaqstan minoritarlyq aksionerler qauymdastyghynyng (QAMS) telegram-arnasy QTJ men Wabtec kompaniyasynyng arasyndaghy songhy kelisimning Qazaqstan ýshin tym qymbatqa týsetinin, әr lokomotivting qúny naryqtaghy baghadan 2 ese qymbat ekeni turaly saraptama jariyalaghan.

- Ayta ketu kerek, әleumettik jelilerde 4 mlrd AQSh dollaryna 300 birlik jana lokomotiv satyp alynatyny turaly aqparat berilgen. 4 mlrd AQSh dollary 300 birlik lokomotiv satyp aludy ghana emes, sonymen qatar qoldanystaghy servistik shartty 2058 jylgha deyingi 15 jyl merzimge 405 birlik lokomotivke úzartudy, sonday-aq satyp alynatyn 300 birlik lokomotivke 2054 jylgha deyingi 18 jyl merzimge tolyq servistik qyzmet kórsetudi úiymdastyrudy qamtidy, - dep jazylghan resmy jauapta.

Atalghan kelisim ayasynda Wabtec esebinen KinetiX jýiesining 5 jiyntyghyn jóndeu kózdelgen. Naqty aitsaq, jyljymaly qúramdy esepke alu, baqylau jәne diagnostikalaudyng sifrlyq jýiesin jetkizu, ýsh jyl ishinde 505 birlik lokomotivting tejegish silindrleri men kompressorlaryn kýrdeli jóndeu josparlanyp otyr.

- Sonday-aq, kommersiyalyq jәne әleumettik túrghyda QTJ ýshin ýlken artyqshylyqtargha qol jetkizildi. Servistik ortalyqtary bar shalghay ónirlerde ornalasqan qyzmetkerler ýshin әleumettik nysandar salu kózdelgen, - dep jazady QTJ baspasóz qyzmeti.

Eske salsaq, Memleket basshysy Qasym-Jomart Toqaevtyng Niu-York qalasyna resmy sapary ayasynda AQSh Sauda ministri Govard Latnikting qatysuymen amerikalyq Wabtec kompaniyasymen jalpy somasy 4,2 milliard dollar bolatyn kelisimge qol qoi rәsimi ótken edi.

Abai.kz