Kaspiy qúbyr konsorsiumy (KTK) — qazaqstandyq múnaydyng basty baghyty — 21 shildede tankerlerge jasalghan dron shabuyldaryna baylanysty shiykizat qabyldaudy toqtatty. Búl turaly Reuters agenttigine derekkózder habarlady.

Shilde aiynda Novorossiysk manyndaghy Yujnaya Ozereevkada ornalasqan KTK teniz terminalynda 5 tanker dron shabuylyna úshyrady.

KTK 20 shildede shiykizat tieuding toqtatylghany turaly habarlady, biraq yqtimal zaqymdanular nemese terminal júmysynyng qanday da bir irkilisteri turaly naqtylamady.

Konsorsiumdaghy 15 payyzdyq ýleske ie Chevron kompaniyasy jaghdaydy jiti baqylap otyrghanyn mәlimdedi:

«Chevron KTK tóniregindegi jaghdaydy baqylaudy jalghastyruda. Qyzmetkerlerding qauipsizdigi men densaulyghyn qorghau — bizding basty basymdyghymyz. KTK-gha qatysty qosymsha týsiniktemelerdi tikeley osy kompaniyadan alghan jón», — delingen kompaniyanyng resmy týsiniktemesinde.

Reuters KTK-nyng týsinikteme beruden bas tartqanyn algha tartady.

Búghan deyin QR Energetika ministrligi Novorossiysk manyndaghy KTK teniz terminalynda múnay tiyep jatqan NELSA tankerine úshqyshsyz úshu apparattary shabuyl jasaghanyn rastaghan edi. Búl oqigha QR Syrtqy ister ministrligi men Energetika ministrligi Qara tenizdegi tankerlerge jasalghan búrynghy shabuyldardy aiyptaghannan keyin oryn aldy.

Ukrainanyng Qazaqstandaghy Elshisi Viktor Mayko KTK teniz terminalynda qazaqstandyq múnaydy tiyep jatqan tankerlerge jasalghan dron shabuyldary Kiyevting «mýddesine say kelmeytinin» mәlimdedi.

Abai.kz