Elordada densaulyq saqtau, túraqty damu jәne medisinalyq turizm mәselelerine arnalghan forum bastaldy. Medisinalyq turizm – elimizdegi eng әleuetti baghyttardyng biri.

Is-sharagha memlekettik organdar, halyqaralyq úiymdar, medisinalyq ortalyqtar, bilim beru mekemeleri, ýkimettik emes úiymdar jәne 30-gha juyq elshilikting ókilderi qatysty.

«Qazaqstan medisinalyq jәne sauyqtyru turizmining ónirlik ortalyghyna ainalugha bar jaghday jasalghan. Ol ýshin sheteldik pasiyentterge qyzmet kórsetuding birynghay standarttaryn engizu, klinikalar men turoperatorlar arasyndaghy baylanysty kýsheytu jәne elimizdi emdelu men onaltudaghy senimdi baghyt retinde tanytu qajet», – dedi QR Turizm jәne sport ministri Erbol Myrzabosynov jiynnyng ashylu saltanatynda.

Ministr 2023 jyly Astanada em alghan sheteldik pasiyentter sany 2022 jylmen salystyrghanda tórt ese, al 2024 jyly taghy eki ese artqanyn atap ótti. Búl – otandyq medisina men kórsetiletin qyzmet sapasyna degen qyzyghushylyq artyp kele jatqanyn dәleldeydi.

«Birneshe jyl búryn biz elimizdegi medisinalyq turizmning әleuetin talqylaytynbyz. Qazir sol әleuet shyndyqqa ainaldy dep senimmen aitugha bolady. Keyingi bes jylda turister aghyny bes eseden astam ósti, sonyng ishinde medisinalyq turizm de aitarlyqtay artty. Qazaqstan әlem kartasynda medisinalyq turizmning jana ortalyghyna ainalyp keledi. Ásirese Qytaydan (24 ese), Ýndistannan (40 ese) jәne Týrkiyadan (3 ese) keletin turister tarapynan qyzyghushylyq erekshe. Elimiz qoljetimdi baghadaghy joghary sapaly medisinalyq qyzmet kórsetetin memleket retinde bedelin nyghaytyp keledi», – dedi Densaulyq saqtau ministri Aqmaral Álnazarova forumnyng ashylu saltanatynda.

Medisinalyq turizmdi damytu jәne salalar arasyndaghy yntymaqtastyqty arttyru maqsatynda Turizm jәne sport ministrligi men Densaulyq saqtau ministrligi arasynda ózara yntymaqtastyq turaly memorandumgha qol qoyyldy. Forum ayasynda salamatty qalalyq ortany qalyptastyru, búqaralyq sport pen salamatty ómir saltyn damytu, sonday-aq bilim beru bastamalaryna arnalghan taqyryptyq sessiyalar ótti.

Jiyngha qatysushylar «Qazaqstannyng salamatty qalalary» jelisin qúru bastamasyna erekshe nazar audardy. Forum sonynda Turizm jәne sport ministri Erbol Myrzabosynov pen Densaulyq saqtau ministri Aqmaral Álnazarova otandyq medisinanyng innovasiyalyq jetistikteri men tehnologiyalary úsynylghan iri medisinalyq ortalyqtar men úiymdardyng kórmesin tamashalady.

Abai.kz