2025 jyly 28 qarashada Almaty qalasy әkimdigining qoldauymen jәne «Alatau» dәstýrli óner teatrynyng úiymdastyruymen Qazaqstan Respublikasy Últtyq ghylym akademiyasynyng akademiygi, filologiya ghylymdarynyng doktory, professor, týrki әlemine tanymal túlgha, Qazaqstannyng enbek sinirgen ghylym qayratkeri Shora Shamghaliyúly Sarybaevtyng tughanyna 100 jyl toluyna arnalghan merekelik konsert ótti.

Mereytoy ayasynda akademikting ghylymy múrasy men túlghalyq bolmysyna qatysty qúndy pikirler men estelikter ortagha salyndy. Sharagha professor Jamal Aytqaliqyzy Mankeeva, filologiya ghylymdarynyng kandidaty Mayra Shoraqyzy, sayasattanushy Janúzaq Ákim, sonymen qatar, QR enbek sinirgen qayratkeri, әnshi, telejýrgizushi, «Alatau» dәstýrli óner teatrynyng “Damu jәne BAQ”bólimining orynbasary,  Qaragóz Sýleymenova Shora Shamghaliyúly Sarybaevtyng qazaq til bilimine qosqan ólsheusiz ýlesin, onyng últtyq ghylymdy damytu jolyndaghy enbegin erekshe atap ótti.

Ahmet Baytúrsynúly atyndaghy Til bilimi institutynyng bas ghylymy qyzmetkeri, filologiya ghylymdarynyng doktory, professor Jamal Aytqaliqyzy Mankeeva akademikting ghylymy múrasyn saralap, onyng týrki әlemindegi bedeli men enbekterining manyzyn atap ótti. Ghalymnyng dialektologiya ghylymyn qalyptastyrudaghy róli, aimaqtyq til erekshelikterin jýieleu arqyly qazaq tilining tarihy damuyn tereng zerttegeni keninen aityldy. Sonymen birge Shora Shamghaliyúlynyng ónerge jaqyndyghy, erekshe oryndaushylyq qabileti men adamgershilik bolmysy da eske alyndy.

Sayasattanushy, «Adam» halyqaralyq institutynyng preziydenti Janúzaq Ákim Sh. Sarybaevtyng qazaq ziyalylarynyng múrasyn saqtau baghytynda atqarghan auqymdy enbegin atap ótti. Ásirese, HH ghasyr basyndaghy qazaq qayratkerlerining enbekterine arnalghan eki tomdyq bibliografiyany qúrastyru barysynda akademikting azamattyq ústanymy men qaysarlyghy airyqsha kórinis bergeni turaly pikir bildirdi. Sonymen qatar, onyng qazaq muzyka mәdeniyetining zertteluine qosqan ýlesi de aityldy.

Ayta ketu kerek, 1964 jyly «Qayrat» komandasy qúryldy, jәne osy komandanyng atyn qoyghanda da Shora Shamghaliyúly Sarybaevtyng róli orasan zor boldy. Ghalym shygharmashylyq toptyng damuyna, últtyq ónerding ilgerileuine qosqan ýlesimen tarihta qaldy.

Ghalymnyng qyzy, filologiya ghylymdarynyng kandidaty Mayra Shoraqyzy әkesining ghylym jolyndaghy ústanymdary men múrasynyng býgingi úrpaqqa berer taghylymy jóninde jyly lebizin bildirdi. Ol Shora Shamghaliyúlynyng ómirden ótkennen keyin onyng jeke arhiyvin jinaqtap, jýieleu júmystaryn qolgha alghanyn, osy materialdar negizinde birqatar enbekter jaryq kórgenin atap ótti. Sonymen qatar 2021 jyly Astanadaghy Últtyq akademiyalyq kitaphanadan «Shora Shamghaliyúly Sarybaev atyndaghy oqu zalynyn» ashyluy ghalym múrasynyng úrpaqqa qaldyrghan ýlken qazyna ekenin jetkizdi.

Merekelik shara barysynda akademikting ghylymy múrasy ghana emes, onyng últtyq mәdeniyetti damytudaghy róli de jan-jaqty kórsetildi. Shora Sarybaevtyng ómiri men ghylymy jolyn aighaqtaytyn portretter, fotosuretter, enbekterinen ýzindiler, arhiv materialdary qoyylghan ekspozisiya kópshilik nazaryna úsynyldy. Kórme ghalymnyng halyqaralyq konferensiyalar men qoghamdyq is-sharalardaghy qyzmetin de qamtydy. Kesh sonynda Shora Shamghaliyúly Sarybaevtyng aghartushylyq ruhyna arnalghan konserttik baghdarlama úsynyldy. Konsertke elimizding belgili óner sheberleri qatysyp, «Alatau» dәstýrli óner teatrynyng ansambli de óz ónerin kórermenge tartu etti. Konsertte qazaqtyng dәstýrli әn-kýileri, últtyq oryndaushylyq ónerding kórinisteri pash etildi.

Abai.kz