Bir kýni auyldyng qarapayym bozbalasy ýiinde otyryp әn shyrqaydy. Aghasy ony beynejazbagha týsirip, әleumettik jelige jýktep jiberedi.

Mine, osy sәtten bastap atalghan jas balanyng ómiri 180 gradusqa ózgeredi. Telefonyna Elordasy - Astana qalasynan qonyrau týsip, qazirgi K.Bayseyitova atyndaghy Qazaq Últtyq Óner Uniyversiytetining muzykalyq teatr akteri mamandyghyna shaqyrtu týsedi. Jas jigit oghan quanghanymen ayaq-astynan ayauly anasy dýniyeden ótip, otbasynyng basyna ýlken qayghy keledi. Biraq, asqar tau әke balasyna aq batasyn berip, ata júrtyna shygharyp salady. Meyirimdi әkening batasyn alghan ol azamat býgingi Astana muzykalyq jas kórermender teatrynyng akteri Núrjas Sadyrbaev bolatyn.

Sonymen, әke batasymen, ónerge degen jalynmen, K.Bayseyitova atyndaghy Qazaq Últtyq Óner Uniyversiytetining muzykalyq teatr akteri mamandyghyna oqugha qabyldanady.

Akter jany – sahnada adam obrazyn shynayy jasau ýshin akterding óz ishinde jýretin sezim, tolghanys, oi, emosiya jiyntyghy. Al Núrjas teatr alanynda osy qasiyetti jaqsy úghynady. Ónersýier qauym Núrjasty Gh.Mýsirepovting "Qyz Jibek" muziklindegi Tólegen, M.Áuezovting "Abay-Toghjan" dramasyndaghy Abay, D.Isabekovting "Gauhartas" muzykalyq dramasyndaghy Qayyrken arqyly jaqsy tanidy.

"Tólegen-Núrjas" kózindegi jalyndaghan oty bar, tek qana Jibekti ghana emes, ózge de, arulardy kózqarasymen ghashyq eter keyipker. Núrjas Tólegendi ruhany taza, әdiletti, mәrt keyipker retinde kórsetedi. Sonday-aq, Tólegen akter oryndauynda tek jeke keyipker retinde emes, mahabbat jolynda kýresken, erlik pen adaldyqty tu etken halyqtyq sipattaghy túlgha etip beynelenedi. Onyng tragediyalyq taghdyry arqyly Núrjas sýiispenshilik qúrbandyghyn, adamdyq múrattyng jogharylyghyn kórsetedi.

Núrjastyng erekshe keyipkerlerining biri - Abay beynesi. "Núrjas-Abay" albyrt sezim men adaldyqty qatar ústanghan, ózining ainalasyn jaqsylyqqa bóleytin jas aqynnyng beynesi. "Abay-Núrjas" úly aqynnyng jastyq kezindegi serilik dәurenin, erkeligin útymdy kórsete aldy. Núrjas oiynynan Toghjangha degen qatynasyn, Erbolgha degen syilastyghyn, Qúnanbaygha degen qúrmetin jete týsingen Abaydy kóremiz. Dramadaghy Abay – ruhany biyik, adamdyq múraty myqty, jýregi nәzik, aqyly ozyq túlgha. Onyng beynesi qazaq әdebiyetindegi eng әsem romantikalyq jәne filosofiyalyq keyipkerlerding biri retinde kórinedi.

Dulat Isabekovting "Gauhartas" muzykalyq dramasy kópshilikting jýreginen oryn tapqan qoyylym ekeni dausyz. Núrjas atalmysh tuyndy da, Qayyrkendi núsqalaydy. "Qayyrken-Núrjas" energiyagha toly әrdayym ómirge optimizmmen qaraytyn jan. "Qayyrken-Núrjas" aqyldy erkelikting simvoly. Onyng әkesine, anasyna, aghasy men jengesine degen aq peyili kórermendi sýisintedi.

QR enbek sinirgen qayratkeri, Á.Syghay: «Akter - jýrek, bas, jýrek», - deydi. Yaghni, róldi jýregimen qabyldap, migha salyp oilanyp, jýregimen kórermenge jetkizedi. Danqty synshynyng úlaghatty sózi, "Núrjas-Qayyrkennin" Saltanatpen qoshtasatyn sahnasyna aitylghanday. Óitkeni, "Qayyrken-Núrjas" Saltanattyng ziyaratymen qoshtasyp jatqanda, osydan birneshe jyl búryn ózining anasynyng beyitimen qoshtasqan sәti esine týsedi. Mine, jýrekpen jetkizu degen osy. Núrjastyng baghyndyrar biyigi alda!

Bahtiyar Túrsyn

Teatrtanushy

Abai.kz