Ile Alatauynyng bókterinde qalyqtaghan úshaqtar, joghary pilotaj elementteri, toptyq úshular men parashutshilerding biyikten sekirui – Almaty oblysynda dәstýrli «Bayserke aspany» әue shouy ótti. Biyl kórermenge әserli aviasiyalyq baghdarlama úsynylyp qana qoymay, aldaghy Qúryltay deputattarynyng saylauyna da nazar audaryldy.

23 tamyzgha belgilengen dauys beruge bir aptadan az uaqyt qaldy. Osyghan oray 10 mynnan astam kórermen jinalghan әue shouynda júrtshylyqqa aldaghy saylau turaly da ýndeu jasaldy. Áue ailaghyna kәsiby úshqyshtar, parashutshiler, aviasiya salasynyng mamandary men ónirding myndaghan túrghyny jinaldy. Olardyng arasynda otbasymen kelgender de kóp.

Áue shouynyng eng әserli sәtterining biri – Qazaqstannyng Memlekettik tuyn alyp úshqan Miy-2 tikúshaghynyng kókke kóterilui boldy. Artynsha tikúshaq «Janarugha dauys ber!» degen jazuy bar bannerdi alyp úshty. Búl әue perfomansy Qúryltay deputattarynyng alghashqy saylauyna arnaldy. Úiymdastyrushylar kórermenderdi azamattyq belsendilik tanytyp, 23 tamyzda dauys beruge qatysugha shaqyrdy.

Odan keyin әue shouynyng negizgi baghdarlamasy bastaldy. Kórermender kýni boyy týrli әue kemelerining mýmkindikterin tamashalady. Aspangha Miy-2 tikúshaghy, An-2, Socata, Yak-18T, Yak-52 jәne Yak-55 úshaqtary, sonday-aq motodelitaplandar kóterildi. Úshqyshtar jeke jәne toptyq úshular jasap, joghary pilotaj elementterin kórsetti. Keybiri sap týzep úshsa, endi biri aspanda týtin izderin qaldyrdy. Úshular 100-den 1400 metrge deyingi biyiktikte oryndaldy. Baghdarlamanyng taghy bir әserli bóligi – An-2 úshaghynan parashutshilerding sekirui boldy. Olar 1000 metrden astam biyiktikten sekirdi.

Jerdegi baghdarlama da qyzyqqa toly boldy. Aerodrom aumaghynda aviasiyalyq tehnika kórmesi úiymdastyrylyp, qonaqtar týrli tiptegi úshaqtar men tikúshaqtardy jaqynnan kórip, olardyng qúrylymymen tanysty. Sonday-aq úshqyshtar men aviasiya salasynyng ózge de mamandarynyng júmysy turaly aqparat aldy. Kórme әsirese balalar men jastardyng erekshe qyzyghushylyghyn tudyrdy.

Ayta keteyik, әue shouyna Qazaqstannyng úshqysh-gharyshkeri Aydyn Ayymbetov, «Otan» aerokluby qoghamdyq birlestigining jetekshisi Yuriy Elisov, «Tyani-Shani» aviasiyalyq ortalyghynyng bas diyrektory Vladimir Ansupov, Qazaqstan shaghyn aviasiya qauymdastyghynyng preziydenti Ómirbek Kenesbaev, sonday-aq aviasiya qauymdastyghynyng ókilderi qatysty.

Is-sharanyng negizgi taqyryptarynyng biri – Qazaqstandaghy shaghyn aviasiyany damytu boldy. Qatysushylar jastar arasynda aviasiyalyq jәne tehnikalyq mamandyqtardy tanymal etu, aviasiyalyq mәdeniyetti qalyptastyru jәne salany odan әri damytu mәselelerin talqylady. Sonday-aq múnday is-sharalardyng Almaty oblysynyng turistik tartymdylyghyn arttyrudaghy әleuetine erekshe nazar audaryldy.

Qonaqtar ýshin oiyn-sauyq jәne interaktivti alandar júmys istep, týrli útys oiyndary men DJ-setter úiymdastyryldy. Kelushiler kýni boyy әue kemelerining úshuyn tamashalap, aviasiyalyq tehnikamen tanysyp, sala mamandarymen tildese aldy.

Osylaysha, dәstýrli «Bayserke aspany» әue shouy biyl da ónirdegi kópshilik asygha kýtken auqymdy sharalardyng birine ainaldy. Biylghy sharada kórermender әue tehnikasynyng mýmkindigi men úshqyshtardyng sheberligin tamashalap, aviasiya salasymen jaqynyraq tanysty. Sonymen qatar manyzdy ýndeu de aityldy: 23 tamyzda qazaqstandyqtar elimizding jana bir palataly Parlamenti – Qúryltay deputattarynyng alghashqy saylauyna qatysady.

Abai.kz