Almatyda «Sirius» bilim beru ortalyghymen yntymaqtastyq ayasynda I Talanttar sammiyti ótti. Sammit barysynda «Sirius» mektebi men bilim beru ortalyghynyng irgetasyn qalau rәsimi ótti. 

Is-sharagha Qazaqstan Respublikasy Premier-ministrining orynbasary - mәdeniyet jәne aqparat ministri Aida Balaeva, QR Oqu-aghartu ministri Júldyz Sýleymenova, Almaty qalasynyng әkimi Darhan Satybaldy, «Sirius» federaldyq aumaghy kenesining tóraghasy jәne «Talant y uspeh» qorynyng jetekshisi Elena Shmeleva, ghylymy jәne pedagogikalyq qauymdastyq ókilderi qatysty.

«Sirius» mektebinde matematika, fizika, himiya jәne biologiya pәnderi boyynsha kiriktirilgen baghdarlamalar, sonday-aq jasandy intellekt, gharysh, injeneriya jәne ómir turaly ghylymdar baghytyndaghy pәnaralyq kurstar memlekettik jәne orys tilderinde Qazaqstan Respublikasynyng memlekettik bilim beru standartyna sәikes jýzege asyrylady.

Qazaqstandyq oqushylar «Sirius» ortalyghynyng baghdarlamalaryna qazirding ózinde qatysuda. 2024-2025 jyldar aralyghynda balalar «Ýlken perspektivalar» ghylymiy-tehnologiyalyq bayqauynyng jobalyq komandalarynda júmys istedi. Sonymen qatar Qazaqstan qúramasy jasóspirimder arasyndaghy IJSO-2025 halyqaralyq jaratylystanu olimpiadasynda 6 medali jenip aldy.

Sammitke daryndy oqushylar men jaratylystanu-matematikalyq baghyttaghy pedagogter qatysty. Sammit ayasynda mektep pen ortalyq jobasynyng tanystyrylymy, «Sirius» mamandarynyng dәristeri men sheberlik sabaqtary, «Ýlken perspektivalar» bayqauy jobalarynyng kórmesi, sonday-aq múghalimderge arnalghan kurs ótti.

Sammit baghdarlamasy ayasynda oqushylargha arnalghan ghylymiy-kópshilik dәrister, «Sirius» jetekshi sarapshylarynyng sheberlik sabaqtary, matematika jәne jaratylystanu pәnderi pedagogterine arnalghan biliktilikti arttyru baghdarlamasy da ótkizildi. Oqushylar genetikalyq jәne aqparattyq tehnologiyalardyng damuymen tanysyp, kvadrokopter nemese robot qúrastyryp, baghdarlamalap kórdi, midyng júmys isteu erekshelikterin zerdelep, «Sirius» bilim beru ortalyghynyng akademiyalyq jәne industriyalyq seriktesterinen úsynylghan jobalyq tapsyrmalarmen júmys istedi.

«Býgin ghimarattyng alghashqy kirpishi qalandy. Búl jay ghana simvoldyq qadam emes, búl mektepting qalay qúrylatynyn aiqyndaytyn praktikalyq júmystyng bastaluy. Ol bilim beru baghdarlamalaryn qalyptastyrudan bastap oqu prosesin úiymdastyrugha deyingi barlyq kezendi qamtidy. Joba jaratylystanu ghylymdary men zamanauy tehnologiyalar salasyna  kiriktirilgen baghyttargha negizdelip, Qazaqstan Respublikasynyng memlekettik bilim beru standarttaryna sәikes jýzege asyrylady», - dep atap ótti Aida Balaeva.

«Býgin biz memleketterimizding basshylary qoyghan strategiyalyq mindetti sheship otyrmyz. Ýzdik pedagogtermen, ghalymdarmen jәne tehnologiyalyq kompaniyalardyng ókilderimen birlese otyryp, Qazaqstan oqushylarynyng talantyn damytugha barlyq jaghday jasalghan ziyatkerlik, mazmúndy jәne qauipsiz orta qalyptastyryp jatyrmyz. Qazirgi balalar keyde tәjiriybeli mamandardyng ózi qinalatyn mәselelerdi sheshuge dayyn. Sondyqtan «Sirius» jobalyq qyzmetti damytugha erekshe mәn beredi. Bizding flagmandyq jobamyz sanalatyn “Ýlken perspektivalar” bayqauy osynyng aiqyn dәleldeydi. Biyl bayqau 11-ret ótkizilip, halyqaralyq mәrtebe aldy», - dedi Elena Shmeleva.

Sonymen qatar, QR Oqu-aghartu ministrligi QR Ghylym jәne jogharghy bilim ministrligimen birlesip Abay atyndaghy Qazaq últtyq pedagogikalyq uniyversiyteti men Qazaq últtyq qyzdar pedagogikalyq uniyversiytetining bazasynda «Sirius» uniyversiytetining «Ghylymiy-tehnologiyalyq bilim beru kóshbasshylary» atty eki jyldyq magistrlik baghdarlamasyn iske qosady. Baghdarlama daryndy balalarmen júmys isteuge, jaratylystanu jәne tehnikalyq baghyttar boyynsha, sonyng ishinde pedagogikada jasandy intellektini qoldanu salasynda mamandar dayarlaugha baghyttalghan.

Abai.kz