Elimizding gidroenergetikalyq resurstary kartasyn әzirleu boyynsha júmystar bastaldy. Búl turaly Energetika ministri Erlan Aqkenjenov Ýkimet otyrysynda mәlim etti.

– Platforma gidrologiyalyq, jer bederi, infraqúrylymdyq jәne qúqyqtyq derekterdi biriktirip, ontayly jobalyq sheshimderdi qalyptastyrugha, bolashaq stansiyalardyng parametrlerin esepteuge jәne jobalaugha deyingi dayyndyq merzimderin qysqartugha mýmkindik beredi, – dedi Energetika ministri.

Óz kezeginde Su resurstary ministri Núrjan Núrjigitov memlekettik su sharuashylyghy sayasatynyng úzaq merzimdi josparlau qújattaryn әzirlep jatqanyn jetkizdi. Búl qújattarda su balansy janartylyp, elding gidroәleuetine bagha beriledi.

– Birinshi kezende su resurstaryn qorghau jәne paydalanu jónindegi basseyndik josparlar әzirlenedi, olardy 2026 jyldyng sonyna deyin ayaqtau josparlanghan. Basseyndik josparlar әzirlengen son, su resurstaryn integrasiyalanghan basqarudyng Bas josparyn әzirleu bastalady. Ony 2027 jyldyng 3-shi toqsanynda ayaqtaudy josparlap otyrmyz, – dedi Su resurstary ministri.

Boljamdy su balansy bekitilgenshe ministrlik Energetika ministrligi jәne jeke investorlarmen birlesip, GES jәne GAES qúrylysy boyynsha júmystar jýrgizip jatyr.

– Biyl Ógem ózeninde gidroelektrstansiyalar kaskady bar su qúbyryn salu jónindegi investisiyalyq joba boyynsha jobalyq qújattama әzirleudi bastady, ol memlekettik-jeke әriptestik negizinde jýzege asyrylady. Jobanyng qúny 191,7 mlrd tenge jәne jyl sayyn 110 mln tekshe metr auyzsu berip, 72 MVt/sagh elektr energiyasyn óndirudi kózdeydi, – dedi N. Núrjigitov.

Búghan deyin N. Núrjigitov su diplomatiyasy Aral tenizin toltyrugha kómekteskenin aitqan edi.

Abai.kz