Jay kýnderi «anau jetpeydi, mynau jetpeydi» dep jylap otyramyz. Biraq qalagha bir әlemdik júldyz kele qalsa, alpys myndyq konsert biyleti alty sekundta satylyp ketedi.

Súranystyng kóptigi sonshalyq tipti arnayy qosymshalar halyqtyng nópirine shydamay, isten shyghyp jatady. Osyndaydan keyin ózimizdi kedeymiz dep aita alamyz ba?

Taghy bir mysal. Biyldan bastap kólik nómirin tandap satyp aluyna mýmkindik beretin zang kýshine endi. Eng arzan nómirding ózi 42 myng tengeden bastalady. Soghan qaramastan arnayy halyqqa qyzmet kórsetu ortalyqtarynda adam qarasy qalyn, kezek tipti kóshege deyin shyghyp ketken.

Osydan keyin «elding aqshasy joq» dep aita almaymyz au. Búl az deseniz, jaqynda Vietnamnyng Fukuok aralynda kәdimgi qazaqtyng «qyzyl órigi» qoyylyp, turister jinalatyn alanqay bir sәtke Shymkenttegi meyramhanagha ainalyp ketken. Shanyn shygharyp biylep jatqan ózimizding qarakózder. Turisterding deni – otandastarymyz.

Aqsha joq bolsa, Vietnam, Dubay, Taylandtyng jaghajaylaryn qalay toltyryp jýrmiz? Áke-sheshemizding auylyna barghanday, shabadanymyzdy alyp, oilanbastan jolgha shyghamyz. Barghan song sauyq qúryp, qolymyzdaghy jap-jana aifon 17-men jarqyldatyp suretke týsemiz.

Kez kelgen avtosalon nemese ýy satatyn kompaniya shaghyn ghana aksiya jariyalasynshy kezek tanghy besten bastalyp ketedi. Eger shynymen aqsha joq bolsa, onday kezekte túrmas edik qoy.

Jaqynda oraza aiy. Auyz bekitip, auyzashar jasaymyz. Sol bayaghy әdetimizden tanbay, dastarhanymyzdy asta-tók jasap, daraqylyqqa jol beremiz. Muftiyattyng qasiyetti aida «ysyrapshyldyqqa jol bermeyik» degen qarapayym talaptaryna da pysqyrmaymyz. Múnyng bәri ne ýshin? Maqtan ýshin be?

Shyn mәninde mәsele kedeylikte emes. Mәsele óz qaltamyzgha qaramay ómir sýruimizde. Toy ýshin, demalys ýshin, jana aifon ýshin nesie alyp, tynysh jinap, shamasyna qaray ómir sýruding ornyna, kózge týsuge tyrysamyz. Sosyn baryp taghy da «aqsha joq» dep shaghynamyz. Aqsha joq emes bar. Tek biz ótirik jylaytyn siyaqtymyz.

Erbol Mәndibek

Abai.kz