Ekologiya salasyndaghy jauapkershilikti kýsheytu jәne qorshaghan ortany qorghau normalaryn Konstitusiyalyq dengeyde bekitu qajettigin Qyzylorda oblysynyng әkimi Núrlybek Nәlibaev Konstitusiyalyq reforma jónindegi komissiyanyng toghyzynshy otyrysynda kóterdi.

Komissiya otyrysynda ol ekologiyalyq normalardyng ónirler ýshin, sonyng ishinde ekologiyalyq ahualy kýrdeli Aral many aimaqtary ýshin erekshe manyzgha ie ekenin aitty. Oblys әkimining pikirinshe, tenizding tartyluy qorshaghan ortagha ghana emes, aimaq halqynyng ómir sapasyna, densaulyghyna jәne әleumettik jaghdayyna da tikeley әser etip otyr.

«Aral tenizining taghdyry – býkil adamzat ýshin auyr sabaq. Onyng saldaryn biz әli kýnge deyin sezinip kelemiz. Sondyqtan memleketting qolayly qorshaghan ortany qamtamasyz etu mindetin, azamattardyng ekologiyalyq qauipsizdikke qatysty qúqyqtaryn Konstitusiyalyq dengeyde bekitu – uaqyt talaby», – dedi Núrlybek Nәlibaev.

Onyng aituynsha, jana Konstitusiya jobasynda ekologiyalyq aqparattyng ashyqtyghyn qamtamasyz etuge jәne qorshaghan ortagha ziyan keltirgeni ýshin jauapkershilikti arttyrugha baghyttalghan normalar qarastyrylghan. Búl ózgerister ekologiya salasyndaghy memlekettik baqylaudy kýsheytip, ónirlerde aldyn alu sharalaryn tiyimdi iske asyrugha mýmkindik beredi.

Sonymen qatar, Núrlybek Nәlibaev jana Konstitusiya jobasy memleketting әleumettik baghyttaghy rólin arttyrugha arnalghanyn atap ótti. Qújat әleumettik tensizdikti qysqartugha, auyldyq aumaqtardy qoldaugha, júmyspen qamtudy keneytuge jәne infraqúrylymdy jýieli týrde damytugha qúqyqtyq negiz qalyptastyrady.

Onyng sózinshe, bilim beru salasyn strategiyalyq basymdyq retinde bekitu – adamy kapitaldy damytudyng basty tetigi. Búl jastardy súranysqa ie mamandyqtargha dayarlaugha jәne olardyng әleuetin tughan ónirlerinde jýzege asyruyna jaghday jasaugha baghyttalghan.

«Elimizde adamy kapitaldy damytu ýshin bilim berudi strategiyalyq basymdyq retinde bekitedi. Biz jastardyng bolashaghyna investisiya saludy, súranysqa ie mamandardy dayarlaudy, jas azamattardyng óz әleuetin tughan jerinde iske asyryp, bolashaghyn tughan elmen baylanystyruyna jaghday jasaudy tolyq qoldaymyz», - dep atap ótti oblys әkimi.

Sonday-aq, bayandamasynda Núrlybek Nәlibaev jana Konstitusiya jobasy memlekettik basqarudyng tiyimdiligin arttyrugha, ókilettikter men jauapkershilikti naqty ajyratugha jәne biylik organdarynyng halyq aldyndaghy jauapkershiligin kýsheytuge baghyttalghanyn aitty.

Abai.kz