Almatyda belgili qogham qayratkerleri, mәdeniyet, ghylym, bilim jәne sport salasynyng kórnekti ókilderi aldaghy referendumgha qatysty óz ústanymyn bildirip, ony el bolashaghyna tikeley yqpal etetin tarihy oqigha dep baghalady. Olardyng pikirinshe, búl – jay ghana sayasy rәsim emes, tәuelsiz Qazaqstannyng damuyndaghy manyzdy kezen. 

Mәselen, Halyq qaharmany Sәt Toqpaqbaev adam qúqyghynyng ýstemdigi memleketting qúqyqtyq negizin nyghaytatynyn atap ótti. Al memleket jәne qogham qayratkeri Núrlan Orazaliyn qújattyng strategiyalyq manyzyna toqtaldy.

Almaty ziyalylary úsynylyp otyrghan ózgeristerding әleumettik sipatyna erekshe nazar audardy. Olardyng aituynsha, qújat mazmúny jaghynan týsinikti bolyp, adam mýddesine jaqynday týsken.

«Jana Konstitusiyamyzdyng әleumettik baghyty aiqyndalyp, ol halyqqa jaqynday týsti», – dedi Qazaqstannyng halyq jazushysy Smaghúl Elubay.

Qazaqstannyng enbek sinirgen qayratkeri Azamat Satybaldy jana Konstitusiya elding úzaqmerzimdi damu baghytyn aiqyndaytyn negizgi qújat ekenin aitty.

«Erekshe atap ótetin jayt – Konstitusiya túnghysh ret memlekettik tilde jazyldy», – dedi ol.

Aldaghy referendumnyng manyzyn óner qayratkerleri de erekshe atap ótti. Qazaqstannyng halyq әrtisi Roza Rymbaeva azamattardy dauys beruge qatysugha shaqyrdy.

«15 nauryz – elimiz ýshin manyzdy kýn. Kelip, óz tandauynyzdy jasanyzdar», – dedi әnshi.

Sonday-aq jana Konstitusiya jobasynyng negizgi tústaryna qatysty Jan Bayjanbaev, Gýlnar Dosmatova, Azamat Satybaldy, Qaragóz Sýleymenova, Shynar Asqarova, Nazym Qyzaybay, Tәuekel Mýsilim jәne basqa da tanymal túlghalar pikir bildirdi.

Abai.kz