Iran taraby AQSh pen Izrailidyng joyqyn shabuylynan keyin, kek alu maqsatynda Izraili men AQSh-tyng Tayau Shyghystaghy (bәri arab elderinde) әskery bazalaryna zymyran, drondarmen soqqy jasady.

Keybiri bata tiymey, qata tiyip Dubaydyng turistik ortalyqtaryna týsken. Osylaysha turisterding jýmaghyna ainalghan iri qalalar men kýlli Orta Shyghys dýrbelenge týsti. Áue joldary jabylyp, ishinde bizding otandastarymyz da bar, sheteldik turister Birikken Arab Ámirlikterinde qantarylyp qaldy. Resmy mәlimet boyynsha qazaqstandyq 4500 turist elge qaytugha asyghyp otyr. Arasynda әnshi júp Janbolat pen Jazira da bar eken.

Eki jyl búryn qazaqstandyq sheneunikterding Dubaydaghy ýileri turaly jeliles jurnalistik zertteuin jariyalaghan Azattyq tilshisi Manas Qayyrtay eldi eleng etkizerlik jazba jariyalady.

Onyng dereginshe, qanghyghan irandyq dronnyng biri Dubaydaghy "Fairmont the palm" reziydensiyasyna týsken. Bir bóligi qonaq ýi, taghy eki ghimaraty túrghyn ýy eken. Nazar audararlyghy qazaqstandyqtar túrghyn ýy kesheninen 95 pәter satyp alghan eken. Olardyng deni búryn joghary memlkettik lauazymda bolghan atqaminerlerding tuystary eken. Olardyng tizimi myna kestede kórsetilgen:

Býrynghy Joghary sot tóraghasy Qayrat Mәmiyding balasynyn, Almaty oblysynyng búrynghy әkimi Amandyq Battalovtyng әielinin, Berik Imashevtyng әieli men úlynyn, Ahmetjan Esimovtyng kýieu balasynyng atyna tirkelgen ýiler bar eken.

Dubayda taryqqan otandastarymyz Ýkimetke qayyrylyp kómek súrap jatqanymen, shetelde bayashat ómir keship jatqan bay-baghlandar ýnsiz. Mal-janynyng amandyghy turaly eshbir mәlimet joq.

AQSh-tyng Irangha shabuylynan tuyndaghan Tayau Shyghystaghy dýrbeleng talay shyndyqtyng betin ashyp, týrly daulargha úlasatyn týri bar.

Abai.kz