يران تارابى اقش پەن يزرايلدىڭ جويقىن شابۋىلىنان كەيىن، كەك الۋ ماقساتىندا يزرايل مەن اقش-تىڭ تاياۋ شىعىستاعى ء(بارى اراب ەلدەرىندە) اسكەري بازالارىنا زىمىران، دروندارمەن سوققى جاسادى.

كەيبىرى باتا تيمەي، قاتا ءتيىپ دۋبايدىڭ تۋريستىك ورتالىقتارىنا تۇسكەن. وسىلايشا تۋريستەردىڭ جۇماعىنا اينالعان ءىرى قالالار مەن كۇللى ورتا شىعىس دۇربەلەڭگە ءتۇستى. اۋە جولدارى جابىلىپ، ىشىندە ءبىزدىڭ وتانداستارىمىز دا بار، شەتەلدىك تۋريستەر بىرىككەن اراب امىرلىكتەرىندە قاڭتارىلىپ قالدى. رەسمي مالىمەت بويىنشا قازاقستاندىق 4500 تۋريست ەلگە قايتۋعا اسىعىپ وتىر. اراسىندا ءانشى جۇپ جانبولات پەن جازيرا دا بار ەكەن.

ەكى جىل بۇرىن قازاقستاندىق شەنەۋنىكتەردىڭ دۋبايداعى ۇيلەرى تۋرالى جەلىلەس جۋرناليستىك زەرتتەۋىن جاريالاعان ازاتتىق ءتىلشىسى ماناس قايىرتاي ەلدى ەلەڭ ەتكىزەرلىك جازبا جاريالادى.

ونىڭ دەرەگىنشە، قاڭعىعان يراندىق دروننىڭ ءبىرى دۋبايداعى "Fairmont the palm" رەزيدەنتسياسىنا تۇسكەن. ءبىر بولىگى قوناق ءۇي، تاعى ەكى عيماراتى تۇرعىن ءۇي ەكەن. نازار اۋدارارلىعى قازاقستاندىقتار تۇرعىن ءۇي كەشەنىنەن 95 پاتەر ساتىپ العان ەكەن. ولاردىڭ دەنى بۇرىن جوعارى مەملكەتتىك لاۋازىمدا بولعان اتقامىنەرلەردىڭ تۋىستارى ەكەن. ولاردىڭ ءتىزىمى مىنا كەستەدە كورسەتىلگەن:

بۇرىنعى جوعارى سوت توراعاسى قايرات ءماميدىڭ بالاسىنىڭ، الماتى وبلىسىنىڭ بۇرىنعى اكىمى اماندىق باتتالوۆتىڭ ايەلىنىڭ، بەرىك يماشەۆتىڭ ايەلى مەن ۇلىنىڭ، احمەتجان ەسىموۆتىڭ كۇيەۋ بالاسىنىڭ اتىنا تىركەلگەن ۇيلەر بار ەكەن.

دۋبايدا تارىققان وتانداستارىمىز ۇكىمەتكە قايىرىلىپ كومەك سۇراپ جاتقانىمەن، شەتەلدە باياشات ءومىر كەشىپ جاتقان باي-باعلاندار ءۇنسىز. مال-جانىنىڭ اماندىعى تۋرالى ەشبىر مالىمەت جوق.

اقش-تىڭ يرانعا شابۋىلىنان تۋىنداعان تاياۋ شىعىستاعى دۇربەلەڭ تالاي شىندىقتىڭ بەتىن اشىپ، ءتۇرلى داۋلارعا ۇلاساتىن ءتۇرى بار.

Abai.kz