Óskemende Shyghys Qazaqstan oblysy әkimining birinshi orynbasary Jaqsylyq Omargha qatysty sot prosesi bastaldy dep habarlaydy Ertenmedia.kz. Qylmystyq is materialyna sәikes, oblys әkimining orynbasaryna Qylmystyq kodeksting eki birdey auyr baby boyynsha aiyp taghylghan.

Naqtyraq aitqanda, oghan «iri mólsherde alayaqtyq jasau» (190-bap, 3-bólim, 1,2 tarmaqtary) jәne «iri kólemde para alu» (366-bap, 3-bólim, 3 tarmaq) boyynsha aiyp taghylyp otyr.

Sot otyrysy býgin, 19 nauryzda Óskemenning qylmystyq ister jónindegi mamandandyrylghan audanaralyq sotynda ashyq tәrtippen ótip jatyr. Ayyptalushynyng tergeu izolyatorynda ústau merzimi isting sonyna deyin úzartyldy. Eske sala keteyik, 13 aqpanda Jaqsylyq Omardyng ústalghany turaly aqparat jelide taraghan edi. Alayda sol kezde oblys әkimdigi ókilderi búl jóninde naqty mәlimet bermey, Omardyng densaulyghyna baylanysty demalysta ekenin aitqan bolatyn. 18 aqpanda Últtyq qauipsizdik komiyteti әkim orynbasaryna qatysty is tergelip jatqanyn resmy týrde rastaghanymen, tergeuding tolyq mәn-jayy turaly aqparat jariyalanbaghan.

Jaqsylyq Omar 2025 jyldyng sәuirinen bastap ShQO әkimining birinshi orynbasary qyzmetin atqarghan. Oghan deyin 2018-2024 jyldary Óskemen qalasynyng әkimi bolghan. Ákim orynbasary jelide belsendiligimen tanymal, qyzmetine qatysty aqparatty jii jariyalap otyrghan.

Qazir sot isi jalghasuda. Oblystaghy sayasy ortada atalghan is ýlken rezonans tughyzuda. Ákim orynbasarynan basqa da túlghalardyng ústalghany turaly mәlimet bar. Búghan deyin Saqtaghanov tarapynan Shnayder kópirine qatysty syn aitylyp, oblys әkimi jemqorlyqtyng aldyn alu jóninde qúqyq qorghau organdarymen birneshe mәrte kenes ótkizgen edi.

Abai.kz