وسكەمەندە شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى سوت پروتسەسى باستالدى دەپ حابارلايدى Ertenmedia.kz. قىلمىستىق ءىس ماتەريالىنا سايكەس، وبلىس اكىمىنىڭ ورىنباسارىنا قىلمىستىق كودەكستىڭ ەكى بىردەي اۋىر بابى بويىنشا ايىپ تاعىلعان.

ناقتىراق ايتقاندا، وعان «ءىرى مولشەردە الاياقتىق جاساۋ» (190-باپ، 3-ءبولىم، 1,2 تارماقتارى) جانە «ءىرى كولەمدە پارا الۋ» (366-باپ، 3-ءبولىم، 3 تارماق) بويىنشا ايىپ تاعىلىپ وتىر.

سوت وتىرىسى بۇگىن، 19 ناۋرىزدا وسكەمەننىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا اشىق تارتىپپەن ءوتىپ جاتىر. ايىپتالۋشىنىڭ تەرگەۋ يزولياتورىندا ۇستاۋ مەرزىمى ءىستىڭ سوڭىنا دەيىن ۇزارتىلدى. ەسكە سالا كەتەيىك، 13 اقپاندا جاقسىلىق وماردىڭ ۇستالعانى تۋرالى اقپارات جەلىدە تاراعان ەدى. الايدا سول كەزدە وبلىس اكىمدىگى وكىلدەرى بۇل جونىندە ناقتى مالىمەت بەرمەي، وماردىڭ دەنساۋلىعىنا بايلانىستى دەمالىستا ەكەنىن ايتقان بولاتىن. 18 اقپاندا ۇلتتىق قاۋىپسىزدىك كوميتەتى اكىم ورىنباسارىنا قاتىستى ءىس تەرگەلىپ جاتقانىن رەسمي تۇردە راستاعانىمەن، تەرگەۋدىڭ تولىق ءمان-جايى تۋرالى اقپارات جاريالانباعان.

جاقسىلىق ومار 2025 جىلدىڭ ساۋىرىنەن باستاپ شقو اكىمىنىڭ ءبىرىنشى ورىنباسارى قىزمەتىن اتقارعان. وعان دەيىن 2018-2024 جىلدارى وسكەمەن قالاسىنىڭ اكىمى بولعان. اكىم ورىنباسارى جەلىدە بەلسەندىلىگىمەن تانىمال، قىزمەتىنە قاتىستى اقپاراتتى ءجيى جاريالاپ وتىرعان.

قازىر سوت ءىسى جالعاسۋدا. وبلىستاعى ساياسي ورتادا اتالعان ءىس ۇلكەن رەزونانس تۋعىزۋدا. اكىم ورىنباسارىنان باسقا دا تۇلعالاردىڭ ۇستالعانى تۋرالى مالىمەت بار. بۇعان دەيىن ساقتاعانوۆ تاراپىنان شنايدەر كوپىرىنە قاتىستى سىن ايتىلىپ، وبلىس اكىمى جەمقورلىقتىڭ الدىن الۋ جونىندە قۇقىق قورعاۋ ورگاندارىمەن بىرنەشە مارتە كەڭەس وتكىزگەن ەدى.

Abai.kz