Iran islam biyligining partizandyq soghys taktikasynan әbden sharshaghan Tramptyng «Irandy tas ghasyryna jiberemin, mәdeniyetin kýlge ainaldyramyn» dep kýnde tepsinip kele jatqany belgili. Soghan baylanysty әlem baspasózinde «Tramp Irangha atom bombasyn tastauy mýmkin» degen qaueset aqparat jeldey esude. Oghan AQSh viyse-preziydenti Venstyng aitqan sózderi sebep bolghan.

Budapeshtte Vengriya premier-ministri Viktor Orbanmen birlesken baspasóz mәslihatynda sóilegen sózinde Vens Irandy «ekonomikalyq terrorizmmen» ainalysyp, әlemdik múnay men gaz tasymalyn búzugha tyrysty dep aiyptaghan. Iran Ormuz búghazy arqyly ekonomikalyq qúrsauyn qoymasa Amerika Qúrama Shtattary Irandy ýlken bodau tóleuge mәjbýrleytinin eskertken.

Ol sonday-aq: «Bizde keybir qúraldar bar, jәne biz olardy әzirge paydalanu turaly sheshim qabyldaghan joqpyz. Amerika Qúrama Shtattarynyng preziydenti búl qúraldardy paydalanu turaly sheshim qabylday alady, al eger irandyqtar óz minez-qúlqyn ózgertpese, olardy paydalanugha sheshim qabyldauy mýmkin», - degen.

Artynan Aq ýy X әleumettik media platformasynyng «Rapid Response» akkaunty arqyly syrtqy syngha jauap berip, «Vens yadrolyq qarudy qoldanu mýmkindigi turaly menzedi» degen aiyptaulardy tikeley joqqa shygharyp, Vensting sózderinde «onday eshtene joq» dep mәlimdedi.

Sonymen qatar, CNN búl mәselemen tanys derekkózderge silteme jasay otyryp, Ókilder palatasynyng demokrattary respublikashyldardy Tramptyng Irandaghy soghys ókilettikterin shekteu turaly qarardy qoldaugha belsendi týrde ýgittep jatqanyn habarlady. Seysenbi kýni Ókilder palatasynyng azshylyq jetekshisi Hakim Djeffris jәne basqa da Ókilder palatasynyng demokrat jetekshileri respublikashyldardy AQSh pen Iran arasyndaghy soghysty toqtatu turaly dauys beru ýshin Ókilder palatasyna qayta shaqyrdy.

Sonday-aq AQSh preziydenti Tramp Irangha qarsy shabuyldardy eki aptagha toqtata túrugha keliskenin mәlimdedi. Tramp ózining «Truth әleumettik jelisinde» «Irannan on tarmaqtan túratyn úsynys alghanyn» jәne ony «kelissózderdi bastau ýshin paydalanugha bolady» dep sanaytynyn jariyalady.

Búl Pәkistan premier-ministri Shehbaz Shariftyng AQSh preziydenti Donalid Trampty seysenbi kýni keshke qoyylghan ulitimatumdy eki aptagha úzartugha shaqyruynan keyin oryn aldy. Tramp búghan deyin Iran Ormuz búghazyn qayta ashpasa, «Irannyng býkil órkeniyeti joyylady» dep qorqytqan bolatyn.

Abai.kz