AFP-tyng jazuynsha, Iran әskeriyleri sәrsenbi kýni soghys kezinde zaqymdalghan barlyq qaru-jaraq jýieleri «qalpyna keltirilgenin» jәne shetelden jana qaru-jaraq qúrylghylary importtalghanyn mәlimdegen.

Iran әskery ókili Mohammad Akraminia memlekettik telearnagha: «Barlyq bólimshelerdegi  zaqymdalghan qaru-jaraq jýieleri jóndeldi, sonday-aq jana qaru-jaraq qúrylghylary engizildi», - degen.

Ol : «Shyt jana qaru-jaraq jýiemiz qorghanys ónerkәsibi men әskeriylerding kýsh-jigerding arqasynda jasaqtaldy, keybireuleri shetelden  importtaldy. Búl jabdyq bizding jauyngerlik qabiletimizdi arttyrady» dep mәlimdegen. Degenmen, ol qay elderden, qanday qaru-jaraq importtaghanyn ashyp aitpaghan.

Tayau Shyghys soghysy aqpan aiynyng sonynda AQSh pen Izrailiding Iran Islam Respublikasyna yadrolyq qarugha ie boluyna jol bermeu maqsatyndaghy birlesken әue shabuylynan keyin bastaldy. Iran kek qaytaryp, negizinen aimaqtaghy Vashingtonmen birlesken elderdi nysanagha aldy.

Sәuir aiynda qol jetkizilgen atysty toqtatu turaly kelisim shamamen 40 kýnge sozylghan soghysty toqtatty, biraq ara-túra bolyp túrghan ózara shabuyldar strategiyalyq manyzy bar Ormuz búghazynyng ainalasynda órbigen beybitshilik kelisimine qol jetkizu mýmkindigin joqqa shyghardy.

Iran әskery ókili: «Biz ilgeride  jau zaqymdaghan әskery jýielerdi qalpyna keltiru jәne qayta ornalastyru ýshin manyzdy qadamdar jasadyq», - dep qosty.

Onyng aituynsha: «Halyqaralyq qúqyq pen BÚÚ Jarghysyna negizdelgen aldyn ala eskertilgen shabuyl zandy әreket bolyp tabylady; әriyne, shabuyl proporsionaldylyq pen qajettilik qaghidattaryna sәikes kelui kerek».

Abai.kz