Astanada «Taza Qazaqstan – jauapkershilik belesi» ailyghy ayasynda 100-ge juyq sport salasynyng ókili ekologiyalyq aksiyagha qatysty.
Is-sharagha tanymal sportshylar, jattyqtyrushylar jәne qalalyq sport basqarmasynyng qyzmetkerleri qatysty, dep habarlaydy qala әkimdigining resmy sayty.

Olar Preziydenttik park jaghalauynda tazalyq jýrgizdi. Aksiyanyng maqsaty – qalanyng sanitarlyq jaghdayyn jaqsartu jәne qoghamda ekologiyalyq mәdeniyetti qalyptastyru.

Senbilikke djiu-djitsu jәne grepplingten әlem, Aziya chempiony Núrjan Batyrbekov, MMA-dan Qazaqstan chempiony Núrlan Qarabaliyn, grek-rim kýresinen Aziya chempiony (U23) Merey Mәulithanov, halyqaralyq dәrejedegi sport sheberi Aybek Aytbekov, short-trekten Aziya oiyndarynyng chempiony Aybek Nәsen, sonday-aq Sanjar Janysov sekildi sportshylar qatysty.

«Múnday ekologiyalyq aksiyalargha qatysu – azamattyq paryzymyz. Sportshy tek jarysta emes, ómirde de ýlgi boluy kerek. Elordamyzdyng taza, jayly әri zamanauy bolghanyn qalaymyz jәne oghan óz ýlesimizdi qosugha dayynbyz», – dedi Núrlan Qarabaliyn.

Qatysushylar múnday bastamalar ekologiyany jaqsartumen qatar, jastar arasynda jauapkershilik pen birlik mәdeniyetin qalyptastyratynyn atap ótti.

«Sport – tek medali men jarys emes, ol tәrtip pen jauapkershilik. Osynday sharalargha qatysu arqyly jastargha ýlgi kórsetemiz jәne qalanyng taza bolashaghyna ýles qosamyz. Múnday bastamalar dәstýrge ainaluy kerek», – dedi Aybek Nәsen.

Abai.kz